Read nynorsk 1978 Salmane 26 Bible Online

Salmane 26 - nynorsk 1978 bible

Salmane 26

¹Av David. Herre, hjelp meg ¬til min rett! For eg har vore heil i mi ferd. Eg lit på Herren ¬og er ikkje ustø.

²Prøv meg, Herre, ¬gransk meg nøye, prøv hjarta og nyrer ¬som med eld!

³Eg har hatt din truskap for auga og har ferdast i di sanning.

⁴Eg sit ikkje saman med svikarar og held ikkje lag ¬med falske folk.

⁵Eg hatar samvære ¬med ugjerningsmenn, hjå gudlause sit eg ikkje.

⁶Eg vaskar mine hender ¬i uskyld. Eg går ikring ditt altar, Herre,

⁷medan eg lèt takkesongen lyda og fortel om alle dine under.

⁸Herre, eg elskar huset du bur i, staden der din herlegdom ¬held til.

⁹Riv meg ikkje bort ¬med syndarar, så eg misser livet ¬saman med drapsmenn.

¹⁰Deira hender er sulka av udåd, deira høgre hand ¬er full av muter.

¹¹Men eg har vore heil i mi ferd. Fri meg ut og ver meg nådig!

¹²No står eg med foten ¬på jamn grunn. I samlingane vil eg ¬prisa Herren.