Read nynorsk 1978 Salmane 29 Bible Online

Salmane 29 - nynorsk 1978 bible

Salmane 29

¹Ein Davids-salme. Gjev Herren ære, de gudesøner, gjev Herren ære og makt! [36]

²Gjev Herren den ære ¬hans namn skal ha; bøy dykk for Herren ¬i heilagt skrud!

³Herrens røyst lyder over vatnet, den herlege Gud lèt tora slå, Herren over det veldige havet.

⁴Herrens røyst lyder med velde, Herrens røyst med herlegdom.

⁵Herrens røyst knekkjer sedrar, Herren knuser sedrane ¬på Libanon.

⁶Han får Libanon ¬til å hoppa som ein kalv og Sirjon-fjellet ¬som ein villokse. [37]

⁷Herrens røyst ¬spreier logande eld;

⁸hans røyst ¬får øydemarka til å skjelva, han får Kadesj-øydemarka ¬til å skjelva.

⁹Herrens røyst ¬får hindene til å kalva, ho gjer skogane snaue. Alt i hans tempel ropar: «Ære!»

¹⁰Herren tronar ¬over himmelhavet, han tronar ¬som konge til evig tid.

¹¹Herren gjev folket sitt kraft, han signar det ¬med lukke og fred.