Read nynorsk 1978 Salmane 32 Bible Online

Salmane 32 - nynorsk 1978 bible

Salmane 32

¹Av David. Ein læresalme. Sæl er den som får si misgjerning tilgjeven og si synd tildekt!

²Sælt er det menneske som Herren ikkje ¬tilreknar skuld, og som er utan svik i si ånd.

³Så lenge eg tagde, ¬tærtest eg bort, eg stunde heile dagen.

⁴For dag og natt låg di hand tungt på meg. Mi livskraft kvarv som i sommarens hete. Sela

⁵Då sanna eg mi synd for deg og dulde ikkje mi skuld. Eg sa: «Eg vil sanna mine synder for Herren.» Og du tok bort ¬mi syndeskuld. Sela

⁶Difor skal alle trugne be til deg i trengselstider. Om det kjem ein veldig flaum, skal vatnet ikkje nå dei.

⁷Hjå deg finn eg livd, du vernar meg mot trengsle og lèt frelsesjubel ¬lyda ikring meg. Sela

⁸Eg vil læra deg og visa deg den vegen du skal gå. Eg vil la mitt auga kvila på deg og gje deg råd.

⁹Ver ikkje lik hest og muldyr, som ikkje har vit! I sin villskap må dei tvingast ¬med taum og beisel, elles kjem dei ikkje til deg.

¹⁰Den gudlause har mange plager; men den som set si lit ¬til Herren, kransar han med miskunn.

¹¹Gled dykk i Herren! Bryt ut i jubel, de rettferdige! Ja, rop av fagnad, alle de ærlege!