Read nynorsk 1978 Salmane 33 Bible Online

Salmane 33 - nynorsk 1978 bible

Salmane 33

¹Rop av fryd for Herren, de rettferdige! Det sømer seg for dei ærlege å syngja Herrens pris.

²Lovsyng han til lyre, og spel på tistrengja harpe!

³Syng ein ny song for han, spel fagert og rop av glede!

⁴For Herrens ord er sanning, alt han gjer, kan ein lita på.

⁵Han elskar rett og rettferd, jorda er full av hans miskunn.

⁶Ved Herrens ord ¬vart himmelen skapt og himmelhæren ¬ved ein pust frå hans munn. [40]

⁷Han samla havvatnet ¬som i eit kar, la havsens djup i opplagsrom. [41]

⁸For Herren ¬må heile verda ottast, for han må dei skjelva, alle som bur på jord.

⁹For han tala, og det skjedde, han baud, og det stod der.

¹⁰Herren bryt dei planar ¬folka legg, hindrar dei i ¬å fullføra sine tankar.

¹¹Men Herrens plan ¬står fast for evig, hans hjartans tankar ¬frå ætt til ætt.

¹²Sælt er det folk ¬som har Herren til Gud, det folk han har valt ¬til sin eigedom!

¹³Frå himmelen skodar ¬Herren ned og ser kvart menneske.

¹⁴Frå sin tronstol held han auga med alle som bur på jorda,

¹⁵— han som har laga ¬kvar manns hjarta, og merkjer seg alt det dei gjer.

¹⁶Stor makt gjev ¬ingen konge siger, stor styrke bergar ¬ingen mann i krig.

¹⁷Hesten er ein svikefull hjelpar, han bergar ingen ¬med all si kraft.

¹⁸Men Herrens auga kviler på dei som ottast han ¬og ventar på hans miskunn,

¹⁹så han kan fria dei frå døden og berga dei ¬gjennom hungersnaud.

²⁰Vi ventar med lengsle ¬på Herren; han er vår hjelp og vårt skjold.

²¹Vårt hjarta gleder seg i han; for vi set vår lit ¬til hans heilage namn.

²²Lat di miskunn vera over oss, ¬Herre! Det er deg vi ventar på.