Read nynorsk 1978 Salmane 34 Bible Online

Salmane 34 - nynorsk 1978 bible

Salmane 34

¹Av David, då han var hjå Abimelek og bar seg som galen, så han vart jaga bort og slapp unna. [42]

²Støtt vil eg prisa Herren, stendig vil eg lovsyngja han.

³Eg rosar meg av Herren, dei hjelpelause gleder seg ¬når dei høyrer det.

⁴Lat oss saman lova Herren og prisa hans store namn!

⁵Eg søkte Herren, ¬og han svara meg, frå alt som skræmde, ¬berga han meg.

⁶Sjå opp til han, og strål av glede, så skal de aldri raudna av skam!

⁷Ein stakkar ropa, ¬og Herren gav svar, han frelste han ¬frå alle trengsler.

⁸Herrens engel slår leir til vern for dei ¬som har age for Herren, og friar dei ut or fare.

⁹Smak og sjå at Herren er god! Sæl er den som flyr til han.

¹⁰Ottast Herren, ¬de hans heilage folk! Dei som ottast han, ¬lid inga naud.

¹¹Unge løver må svelta ¬og lida sakn; men dei som søkjer Herren, vantar det aldri noko godt.

¹²Kom hit og høyr på meg, ¬de born! Age for Herren ¬vil eg læra dykk.

¹³Er det nokon som elskar livet, som ynskjer seg ¬dagar med lukke?

¹⁴Så hald di tunge ¬frå lygn og slarv og lippene frå svikefull tale!

¹⁵Sky det vonde, og gjer det gode! Søk fred, og jag etter han!

¹⁶Herrens augo ¬fylgjer dei rettferdige, han vender øyra til deira rop.

¹⁷Men Herren vender seg ¬mot dei som gjer vondt, han vil rydja ut minnet om dei ¬frå jorda.

¹⁸Når dei rettvise ropar, ¬høyrer Herren, han bergar dei ¬ut or alle trengsler.

¹⁹Herren er nær hjå dei ¬som har eit sundbrote hjarta, og han frelser dei ¬som har ei knust ånd.

²⁰Mykje vondt ¬må den rettferdige lida, men Herren friar han ut or alt.

²¹Han tek vare på ¬kvart bein i hans kropp, så ikkje eitt av dei vert brote.

²²I ulukke misser ¬den gudlause livet, dei som hatar den rettferdige, ¬må bøta.

²³Men Herren bergar ¬livet åt dei som tener han; ingen som tyr til han, ¬lid straff.