Read nynorsk 1978 Salmane 40 Bible Online

Salmane 40 - nynorsk 1978 bible

Salmane 40

¹Til korleiaren. Ein Davids-salme.

²Eg venta og vona på Herren. Han bøygde seg til meg ¬og høyrde mitt rop.

³Han drog meg opp ¬or den tynande grav, opp or den djupe gjørma. Han sette mine føter på fjell og lét meg gå med faste steg.

⁴Han la ein ny song i min munn, ein lovsong til vår Gud. Mange skal sjå det og ottast og setja si lit til Herren.

⁵Sæl er den mann som set si lit til Herren, og ikkje held seg til dei stolte, til dei som fell frå i lygn.

⁶Herre, min Gud, mange under har du gjort, og mange tankar har du ¬til vårt beste; ingen kan mæla seg med deg. Vil eg tala og fortelja om dei, er dei reint uteljande.

⁷Slaktoffer og gåve ¬har du ikkje hug på, — du har opna mitt øyra; brennoffer og syndoffer ¬krev du ikkje.

⁸Då sa eg: «Sjå, her kjem eg. I bokrullen er det ¬skrive om meg.

⁹Å gjera din vilje, Gud, ¬er mi lyst, eg har di lov i mitt hjarta.»

¹⁰Eg forkynte bodskapen ¬om frelsa i den store samling. Eg lét ikkje att mine lipper; det veit du, Herre.

¹¹Di rettferd ¬heldt eg ikkje for meg sjølv, eg tala om din truskap ¬og di frelse. Di miskunn og di sanning ¬forkynte eg ope i den store samling.

¹²Herre, du vil ikkje ta di miskunn frå meg. Di miskunn og di sanning skal alltid verna meg.

¹³Eg har tallause trengsler ¬på alle kantar, mine misgjerningar tek meg att, — eg kan ikkje lenger ¬lyfta augo; dei er fleire ¬enn håra på mitt hovud. Eg har reint mist motet.

¹⁴Herre, gjer vel og fri meg ut! Skund deg og hjelp meg, Herre!

¹⁵Lat alle som står meg etter livet, verta til spott og spe! Lat dei som vil tyna meg, dra seg tilbake med vanære.

¹⁶Dei som spottar meg ¬og ropar «ha-ha», skal stivna av redsle og skam.

¹⁷Men lat alle som søkjer deg, fegnast og gleda seg i deg! Lat dei som elskar di frelse, alltid seia: «Stor er Herren!»

¹⁸Eg er hjelpelaus og fattig, men Herren har omsut for meg. Du er min hjelpar ¬og bergingsmann; dryg ikkje lenger, min Gud!