Read nynorsk 1978 Salmane 42 Bible Online

Salmane 42 - nynorsk 1978 bible

Salmane 42

¹Til korleiaren. Ein læresalme. Av Korah-songarane. [47]

²Liksom hjorten stundar etter rennande bekker, såleis stundar mi sjel etter deg, min Gud.

³Mi sjel tyrstar etter Gud, etter den levande Gud. Når skal eg få koma og stiga fram for hans åsyn?

⁴Mine tårer har vorte min mat både dag og natt. Dagen lang kjem folk og seier: «Kvar er no din Gud?»

⁵Eg vil letta mi sjel og tenkja på det som var: at eg gjekk fram ¬i det store fylgjet, drog i festtog til Guds hus med jubelrop og takkesong — ein pilegrimsskare i fest.

⁶Kvifor er du full av uro, ¬mi sjel, kvifor stormar det i meg? Vent på Gud! ¬For endå ein gong skal eg takka han, ¬min frelsar og min Gud.

⁷Mi sjel er full av uro; difor kjem eg deg i hug frå Jordan-landet ¬og Hermon-fjellet, ja, frå Misar-berget òg. [48] [49]

⁸Havdjup ropar til havdjup, og dine fossar durar. Alle dine brot og bylgjer slår no over meg.

⁹Gjev Herren må senda ¬si miskunn om dagen og eg få syngja ¬hans pris om natta; eg bed til mitt livs Gud.

¹⁰No seier eg til Gud, ¬mitt berg: «Kvifor har du gløymt meg, kvifor må eg gå og syrgja, medan fienden plagar meg?»

¹¹Det går meg gjennom ¬merg og bein når mine fiendar spottar meg, når dei seier til meg ¬dagen lang: «Kvar er no din Gud?»

¹²Kvifor er du full av uro, mi sjel, kvifor stormar det i meg? Vent på Gud! ¬For endå ein gong skal eg takka han, ¬min frelsar og min Gud.