Read nynorsk 1978 Salmane 45 Bible Online

Salmane 45 - nynorsk 1978 bible

Salmane 45

¹Til korleiaren. Etter «Liljene». Av Korah-songarane. Ein læresalme. Ein song om kjærleik. [53]

²Mitt hjarta strøymer over ¬av gode ord, eg vil kveda min song ¬for kongen. Mi tunge er som ¬ein snøggskrivars griffel.

³Du er den fagraste ¬av menneske, milde ord har du på lippa. Difor har Gud velsigna deg ¬for alltid.

⁴Spenn sverdet om livet, ¬du veldige kjempe, i di høgd og din herlegdom!

⁵Ha lukka med deg! Dra ut til strid for sanning, mildskap ¬og rett! Di høgre hand skal visa deg skræmande storverk.

⁶Dine piler er kvasse — folk stuper for deg; dei råkar kongens fiendar ¬i hjarta.

⁷Din kongsstol, Gud, står til evig tid, rettferds stav er din kongsstav. [54]

⁸Du elska rettferd og hata urett. Difor har Gud, din Gud, salva deg med fagnads olje ¬framfor dine frendar.

⁹Av myrra, aloë og kassia angar heile ditt skrud. [55] [56] [57] Du gleder deg over strengespel frå elfenbeinsprydde haller.

¹⁰Mellom dine edle damer er det kongsdøtrer, og ved di høgre side står dronninga i Ofir-gull.

¹¹Høyr, dotter, sjå hit ¬og vend øyra til! Gløym ditt folk og di farsætt,

¹²så vil kongen gleda seg ¬over din venleik! For han er din herre, ¬han skal du hylla.

¹³Frå Tyrus kjem dei med gåver, dei rike i folket ¬søkjer din velvilje.

¹⁴I all sin prydnad ¬stig kongsdottera inn, hennar kjole ¬er gjennomvoven med gull.

¹⁵I sin fargerike bunad ¬vert ho leidd til kongen. Etter henne fylgjer unge jenter, hennar veninner, ¬som vert førte fram for deg.

¹⁶Medan folket ropar ¬av fryd og glede, går dei inn i kongens slott.

¹⁷Dine søner skal koma ¬i staden for fedrane; set dei til hovdingar ¬kringom i landet!

¹⁸Frå ætt til ætt ¬vil eg prisa ditt namn; difor skal folka ¬lova deg evig og alltid.