Read nynorsk 1978 Salmane 46 Bible Online

Salmane 46 - nynorsk 1978 bible

Salmane 46

¹Til korleiaren. Av Korah-songarane. Etter Alamot. Ein song. [58] [59]

²Gud er vår tilflukt ¬og vår styrke, han har hjelpt oss ¬i alle trengsler.

³Difor reddast vi ikkje ¬om jorda skjek, om fjella ragar i havsens djup,

⁴om bylgjene bryt og brusar, og fjella skjelv ¬i opprørt hav. Sela

⁵Ei elv med fleire greiner ¬skaper glede i Guds by, der Den Høgste ¬har sin heilage bustad. [60] [61]

⁶Han kan ikkje rikkast, ¬for Gud er der. Gud hjelper han ¬når morgonen renn.

⁷Folkeslag brusa, rike vart rikka, røysta hans ljoma, ¬og jorda skalv.

⁸Herren, Allhærs Gud, ¬er med oss, Jakobs Gud ¬er vår faste borg. Sela

⁹Kom og sjå ¬kva Herren har gjort, han som gjer skræmande ting ¬på jorda!

¹⁰Han gjer ende på krig ¬over heile jorda, bryt bogane sund, ¬høgg spyda av og set eld på vognene.

¹¹Hald opp ¬og skjøn at eg er Gud! Eg er opphøgd over folkeslaga, opphøgd på jorda.

¹²Herren, Allhærs Gud, ¬er med oss, Jakobs Gud ¬er vår faste borg. Sela