Read nynorsk 1978 Salmane 47 Bible Online

Salmane 47 - nynorsk 1978 bible

Salmane 47

¹Til korleiaren. Av Korah-songarane. Ein salme.

²Klapp i hendene, alle folk, hyll no Gud med jubelrop!

³For ageleg er Herren, ¬Den Høgste, den store kongen over all jorda.

⁴Han la folkeslag under oss, folkeætter under våre føter.

⁵Han valde eit land ¬som han gav oss i arv, ein stolt arv for Jakob, ¬som han elskar. Sela

⁶Gud drog opp ¬medan jubelrop ljoma, Herren kom ¬medan horna klang.

⁷Syng for Gud, ja, syng og spel, syng og spel for vår konge!

⁸For Gud er konge ¬over all jorda. Syng ein lovsong for han!

⁹Gud er konge over folka, han sit på sin ¬heilage kongsstol.

¹⁰Fyrstane over folka ¬skal samlast med folket åt Abrahams Gud. For skjoldane på jorda ¬er i Guds makt. Høgt er han opphøgd.