Read nynorsk 1978 Salmane 49 Bible Online

Salmane 49 - nynorsk 1978 bible

Salmane 49

¹Til korleiaren. Av Korah-songarane. Ein salme.

²Høyr dette, alle folkeslag, lyd etter, ¬alle de som bur i verda,

³både høg og låg, rik og fattig!

⁴Min munn skal tala vise ord, vituge er mine tankar.

⁵Eg bøyer mitt øyra ¬til visdomsord og løyser mi gåte ¬til tonar frå lyra.

⁶Kvi skal eg ottast i vonde dagar når eg på alle kantar møter svikarars vondskap?

⁷Dei set si lit til sitt gods og briskar seg ¬av sin store rikdom.

⁸Ingen kan løysa ut sin bror og gje Gud løysepengar ¬for han,

⁹— det vart for dyrt ¬å kjøpa han fri, det må gjevast opp for alltid —

¹⁰så han kunne leva evig og aldri gå i grav.

¹¹Nei, han ser ¬at jamvel vismenn må døy, dårar og dumme ¬går alle til grunne og etterlèt sitt gods til andre.

¹²Grava vert deira heim ¬for evig, deira bustad frå ætt til ætt, endå dei samla seg ¬åker og eng.

¹³Med all sin herlegdom kan mennesket ikkje ¬leva for alltid; liksom dyra må det døy.

¹⁴Så går det med dei ¬som lit på seg sjølve, det vert slutten for alle som er nøgde ¬med sine eigne ord. Sela

¹⁵Som ein saueflokk ¬fer dei til dødsriket, døden er deira hyrding. Dei ærlege skal rå over dei når morgonen renn. Deira skapnad ¬går i oppløysing, i dødsriket skal dei ha ¬sin bustad.

¹⁶Men Gud vil fria meg ut or helheims vald, for han vil ta meg til seg. Sela

¹⁷Ver ikkje redd ¬om ein mann vert rik, om velstanden aukar ¬i hans hus!

¹⁸For når han døyr, ¬får han ingenting med, rikdomen fylgjer han ikkje ¬i grava.

¹⁹Han kan prisa seg lukkeleg ¬her i livet: «Folk rosar deg, ¬for du gjer det godt.»

²⁰Likevel går han til sine fedrar og får aldri meir sjå ljoset.

²¹Med all sin herlegdom skjønar mennesket ingen ting; liksom dyra må det døy.