Read nynorsk 1978 Salmane 50 Bible Online

Salmane 50 - nynorsk 1978 bible

Salmane 50

¹Ein Asaf-salme. Herren, Gud over gudar, talar, han kallar på jorda ¬frå aust til vest. [62]

²Frå Sion, den fagraste krona, strålar Gud fram.

³Vår Gud kjem, han teier ikkje. Framfor han ¬går ein øydande eld, ikring han stormar det sterkt.

⁴Han kallar på himmelen ¬der oppe og på jorda; ¬for han vil døma sitt folk.

⁵«Samla dykk hjå meg, ¬mine trugne, de som med offer har gjort pakt med meg.»

⁶Himmelen forkynner ¬hans rettferd; for det er Gud som dømer. Sela

⁷Høyr, mitt folk, ¬for eg vil tala, Israel, eg vil vitna imot deg. Eg er Herren din Gud.

⁸Eg refser deg ikkje ¬for dine slaktoffer, dine brennoffer ¬har eg støtt for auga.

⁹Men eg tek ikkje oksar ¬frå ditt hus eller bukkar frå dine kveer.

¹⁰For mine er alle dyr i skogen og villdyra på dei tusen fjell.

¹¹Eg kjenner alle fuglar ¬under himmelen, og krypet på marka ¬høyrer meg til.

¹²Var eg svolten, ¬bad eg ikkje deg om noko; for eg eig jorda ¬og det som fyller henne.

¹³Skulle eg eta kjøt av oksar og drikka blod av bukkar?

¹⁴Ber ditt takkoffer fram for Gud, gjev Den Høgste ¬det du har lova!

¹⁵Kall på meg ¬den dag du er i naud, så vil eg fria deg ut, ¬og du skal prisa meg.

¹⁶Men til den gudlause ¬seier Gud: Kva har du med ¬å forkynna mine bod og ta mi pakt i din munn,

¹⁷du som ikkje vil vita av tukt og kastar mine ord ¬bak din rygg?

¹⁸Ser du ein tjuv, ¬slår du fylgje med han, med ekteskapsbrytarar ¬held du lag.

¹⁹Du slepper vondskap ¬ut or munnen, med tunga spinn du svik.

²⁰Du sit og talar imot bror din og snakkar vondt ¬om son til mor di.

²¹Det har du gjort ¬— og eg skulle teia? Meiner du at eg er som du? Nei, eg vil refsa deg og halda det fram for deg.

²²Gjev akt på dette, de som gløymer Gud! Elles riv eg dykk sund, og ingen bergar.

²³Den som ber fram takkoffer, ¬ærar meg, og den som går ¬den rette vegen, skal få sjå Guds frelse.