Read nynorsk 1978 Salmane 51 Bible Online

Salmane 51 - nynorsk 1978 bible

Salmane 51

¹Til korleiaren. Ein salme av David,

²då profeten Natan kom til han etter at han hadde vore hjå Batseba.

³Ver meg nådig, Gud, ¬i din truskap, stryk ut mine brot ¬i di store miskunn!

⁴Gjer meg rein og fri ¬for skuld, og reinsa meg for mi synd!

⁵For mine brot kjenner eg, mi synd står alltid for meg.

⁶Einast mot deg har eg synda, det som er vondt i dine augo, ¬har eg gjort. Så får du rett når du talar, og står der rein ¬når du feller dom.

⁷Ja, med skuld kom eg til verda, med synd vart eg avla ¬i mors liv.

⁸Sjå, du har hug til sanning ¬i inste hjarta, så lær meg visdom ¬i hjartedjupet!

⁹Reinsa meg for synd med isop, vaska meg, ¬så eg vert kvitare enn snø!

¹⁰Lat meg kjenna fryd og glede, lat dei bein du knuste, jubla!

¹¹Løyn ditt åsyn ¬for mine synder, og stryk ut all mi skuld!

¹²Gud, skap i meg ¬eit reint hjarta, gjev meg ei ny og stødig ånd!

¹³Kasta meg ikkje bort ¬frå ditt åsyn, ta ikkje frå meg ¬din Heilage Ande!

¹⁴Lat meg atter få fryda meg ¬over di frelse, hald meg oppe ¬med ei viljug ånd!

¹⁵Så vil eg læra brotsmenn ¬dine vegar, og syndarar skal venda om ¬til deg.

¹⁶Fri meg, Gud, frå blodskuld, — du Gud som er min frelsar! Så skal eg jubla over di rettferd. [63]

¹⁷Herre, lat opp mine lipper, så min munn kan lovprisa deg.

¹⁸For slaktoffer ¬har du ikkje hug på; kjem eg med brennoffer, ¬vil du ikkje ha det.

¹⁹Nei, offer for Gud ¬er ei sundbroten ånd. Eit sundbrote og knust hjarta, det vanvørder du ikkje, Gud.

²⁰Gjer vel mot Sion i din nåde, bygg opp att murane ¬kring Jerusalem!

²¹Då skal du ha hugnad ¬i dei rette offer — både brennoffer ¬og heiloffer, då skal dei ofra oksar ¬på ditt altar.