Read nynorsk 1978 Salmane 60 Bible Online

Salmane 60 - nynorsk 1978 bible

Salmane 60

¹Til korleiaren. Etter «Vitnemåls-lilja». Ein miktam. Til lærdom. Av David, [72]

²då han låg i strid med aramearane frå Mesopotamia og aramearane frå Soba, og Joab kom att og slo tolv tusen edomittar i Saltdalen. [73] [74]

³Du har støytt oss bort, Gud, ¬og slege oss. Du var harm, ¬men reis oss opp att!

⁴Du lét landet skjelva og rivna. Bøt no brestene! ¬Det står for fall.

⁵Du lét folket ditt lida hardt, og gav oss ein vin så vi tumla.

⁶Men for dei som ottast deg, har du reist ei fane; dit kan dei røma for bogen. Sela

⁷Hjelp oss med di høgre hand, svar oss, ¬så dine kjære vert berga.

⁸Gud har tala i sin heilagdom: «Med jubel ¬vil eg skifta ut Sikem og mæla opp Sukkot-dalen. [75]

⁹Meg høyrer Gilead ¬og Manasse til, Efraim er hjelmen ¬på mitt hovud, og Juda er min styrarstav.

¹⁰Men Moab er mitt vaskefat, på Edom kastar eg min sko. Eg triumferer ¬over Filistarlandet.»

¹¹Kven fører meg ¬til festningsbyen, kven leier meg til Edom?

¹²Er det ikkje du, Gud, ¬som vraka oss og ikkje drog ut ¬med våre hærar?

¹³Gjev oss hjelp mot fienden! Hjelp frå menneske ¬duger ikkje.

¹⁴Med Guds hjelp ¬skal vi gjera storverk. Han skal trakka ¬våre fiendar ned.