Read nynorsk 1978 Salmane 65 Bible Online

Salmane 65 - nynorsk 1978 bible

Salmane 65

¹Til korleiaren. Ein Davids-salme. Ein song.

²Gud, det er rett at vi lovsyng deg på Sion og held våre lovnader til deg,

³du som høyrer bøner. Alle menneske kjem til deg

⁴med si syndeskuld. Når våre synder ¬vert for tunge for oss, då slettar du dei ut.

⁵Sæl er den som du vel ut, så han får koma nær til deg og bu i dine tempelgardar. Vi mettar oss ¬med det gode i ditt hus, med det heilage i ditt tempel. [78] [79]

⁶Du bønhøyrer oss i rettferd med underfulle gjerningar, du Gud som er vår frelsar, ei livd for alle land på jord, ja, for havsens fjerne strender.

⁷Du reiste fjella med di kraft, batt styrkebeltet om deg.

⁸Du døyvde opprørt hav, du stilte bylgjene, ¬ståket av folkeslag,

⁹så dei som bur ¬ved verdsens endar, laut reddast ved dine teikn. Du skapte jubel frå aust til vest.

¹⁰Du har gjesta jorda ¬og gjeve henne regn, du har gjort henne ovende rik. Guds bekk er full av vatn; du syter for at kornet veks. Såleis legg du alt til rettes:

¹¹Du vatnar fòrene, ¬jamnar veltene og bløyter opp jorda med regn; du signar hennar grøde.

¹²Du kronar året ¬med gode gåver, det spirer og gror ¬i dine hjulspor,

¹³det spirer ¬på dei aude beitemarker, kring haugane er det jubel.

¹⁴Markene er kledde med sauer og dalane sveipte i korn. Det lyder glederop og song.