Read nynorsk 1978 Salmane 71 Bible Online

Salmane 71 - nynorsk 1978 bible

Salmane 71

¹Hjå deg, Herre, søkjer eg livd, lat meg aldri verta til skammar!

²Fri og frels meg i di rettferd, vend øyra til meg og ¬berga meg!

³Ver eit fjell som eg kan fly til, ei festning der eg finn frelse! For du er mitt berg og mi borg.

⁴Fri meg, Gud, ¬frå handa åt dei gudlause, frå dei som fer ¬med vald og urett!

⁵Herre, Gud, du er mi von, frå min ungdom ¬har eg sett mi lit til deg.

⁶Frå eg vart fødd, ¬har eg stødd meg til deg, du drog meg fram frå mors liv. Deg vil eg alltid prisa.

⁷Eg har vorte ¬som eit under for mange, du er mi trygge tilflukt.

⁸Min munn er full av lovsong ¬til deg, eg prisar din herlegdom ¬dagen lang.

⁹Støyt meg ikkje bort ¬i min alderdom, forlat meg ikkje ¬når krafta minkar.

¹⁰Mine fiendar talar om meg, dei lurer på meg og samrår seg.

¹¹Dei seier: «Gud har forlate han. Jag han og grip han! Det er ingen som bergar.»

¹²Gud, ver ikkje langt borte ¬frå meg! Skund deg og hjelp meg, ¬min Gud!

¹³Lat dei som står meg imot, gå til grunne med skam! Lat dei som vil meg vondt, sveipast i skam og vanære!

¹⁴Men eg er alltid full av von, atter og atter vil eg prisa deg.

¹⁵Kvar dag skal eg fortelja ¬om di rettferd, om dine gjerningar til frelse; eg kjenner ikkje talet på dei.

¹⁶Herre, min Gud, eg vil tala om dine storverk, prisa di rettferd, berre den.

¹⁷Du har lært meg opp, Gud, heilt frå min ungdom, og enno fortel eg ¬om dine under.

¹⁸Forlat meg heller ikkje, Gud, når eg vert gamal og grå! Så skal eg tala ¬om di mektige gjerning til heile den ætt som kjem.

¹⁹Din styrke og di rettferd, Gud, når til himmelen. Du som har gjort så store ting, Herre, kven er som du?

²⁰Du som lét oss oppleva mange trengsler og ulukker, du vil atter gje oss liv og føra oss opp frå havsens djup under jorda.

²¹Gjev meg att mi ære, vend deg til meg og ¬trøysta meg!

²²Så vil eg spela på harpe og prisa din truskap, Gud. Eg vil spela på lyre for deg, du Israels Heilage.

²³Mine lipper skal jubla når eg spelar for deg, mi sjel som du har løyst ut, ¬skal jubla.

²⁴Ja, heile dagen skal mi tunge tala om di rettferd. For dei som vil meg vondt, har vorte til spott og spe.