Read nynorsk 1978 Salmane 72 Bible Online

Salmane 72 - nynorsk 1978 bible

Salmane 72

¹Av Salomo. Gjev kongen dine domar, ¬Gud, lat kongssonen ¬få rettferd frå deg!

²Så skal han døma ditt folk ¬med rettferd og dine armingar ¬med lov og rett.

³Då skal fjella gje folket fred og haugane rettferd.

⁴Gjev kongen må hjelpa ¬dei verjelause i folket, så dei får sin rett. Han skal berga dei fattige og knusa valdsmannen.

⁵Lat han leva frå ætt til ætt så lenge sol og måne skin.

⁶Han skal vera lik regnet som fell på nyslegen eng, lik ei regnskur som væter jorda.

⁷I hans dagar skal rettferd gro og lukke og fred råda så lenge månen er til.

⁸Lat han styra frå hav til hav, frå Storelva til heimsens endar.

⁹Dei som bur i øydemarka, skal bøya seg for han, hans fiendar skal slikka støvet.

¹⁰Kongar frå Tarsis ¬og fjerne strender skal senda skatt til han. Kongane i Saba og Seba skal koma med sine gåver. [85]

¹¹Han skal alle kongar hylla, han skal alle folkeslag tena.

¹²For han bergar ¬den fattige som ropar, armingen ¬som ingen hjelpar har.

¹³Han ynkast over småkårsfolk og bergar livet åt dei fattige.

¹⁴Han løyser dei ¬frå tvang og vald, deira liv er dyrt i hans augo.

¹⁵Gjev kongen må leva og få gullet frå Saba! Folk skal alltid be for han og velsigna han dagen lang.

¹⁶Lat det vera slik mengd ¬med korn i landet at det bylgjar over åsane. Lat grøda vera ¬som skogen på Libanon, lat byar bløma og breia seg ¬som graset på marka.

¹⁷Lat namnet hans leva ¬til evig tid, skyta friske skot ¬så lenge sola skin. Alle folk ¬skal velsigna seg med det og prisa han sæl.

¹⁸Lova vere Herren, Israels Gud, han som gjer under, ¬einast han!

¹⁹Hans herlege namn ¬vere evig lova! All jorda er full ¬av hans herlegdom. Amen, amen.

²⁰Her endar bønene av David, son til Isai.