Read nynorsk 1978 Salmane 73 Bible Online

Salmane 73 - nynorsk 1978 bible

Salmane 73

¹Ein Asaf-salme. a, Gud er god mot Israel, mot dei som er reine av hjarta. [86]

²Men eg heldt på å snåva, mine føter hadde nær glide ut.

³For eg vart harm ¬på dei hovmodige, då eg såg ¬at det gjekk dei gudlause vel.

⁴Dei har ingen plager, dei er friske og godt i hold.

⁵Menneskeleg møde ¬er dei frie for, dei vert ikkje plaga som andre.

⁶Difor er hovmod ¬deira halsband, valdsferd er kappa ¬dei sveiper seg i.

⁷Vondskapen strøymer ¬frå deira indre, deira hjartans tankar ¬trengjer seg fram.

⁸Dei spottar ¬og talar i vondskap, ovanfrå trugar dei ¬med trengsle.

⁹Dei lyfter munnen ¬mot himmelen, og tunga fer ikring på jorda. [87]

¹⁰Difor vender folk seg til dei, og mykje vatn syg dei i seg.

¹¹Dei seier: «Korleis skulle Gud ¬vita om det? Har Den Høgste ¬kjennskap til noko?»

¹²Ja, så er dei gudlause som støtt er trygge ¬og aukar sin rikdom.

¹³Fåfengt har eg halde ¬hjarta reint og vaska mine hender ¬til teikn på uskyld.

¹⁴Endå vart eg plaga heile dagen, kvar morgon vart eg tukta.

¹⁵Hadde eg sagt: ¬«Såleis vil eg tala», då hadde eg svike ¬dine søners ætt.

¹⁶Så tenkte eg etter, ¬ville skjøna dette; mødesamt var det for meg

¹⁷— til dess eg gjekk inn ¬i Guds heilagdom; då skjøna eg ¬korleis det går dei til sist.

¹⁸Ja, på håle vegar fører du dei, du lèt dei falla og gå til grunne.

¹⁹Å, kor brått dei går til grunne, dei vert rivne bort ¬og endar i redsle.

²⁰Liksom vi vanvørder ein draum når vi vaknar om morgonen, såleis vanvørder du synet ¬av dei når du reiser deg, Herre.

²¹Så lenge eg var beisk i hugen, og kjende at det stakk i hjarta,

²²var eg dum og uvitug, som eit fe var eg imot deg.

²³Men eg vert alltid verande ¬hjå deg, du har gripe mi høgre hand.

²⁴Du leier meg med ditt råd, og sidan tek du meg opp ¬i herlegdom.

²⁵Kven har eg elles ¬i himmelen? Når eg berre har deg, har eg ikkje hug ¬til noko på jorda.

²⁶Om kropp og sjel forgår, er Gud for evig ¬mitt berg og min del. [88]

²⁷Sjå, dei som held seg ¬borte frå deg, går til grunne, du gjer ende på alle ¬som er utrue mot deg.

²⁸Men for meg er det godt ¬å vera nær Gud. Eg tek mi tilflukt til Herren. Eg vil vitna ¬om alle dine gjerningar.