Read nynorsk 1978 Salmane 74 Bible Online

Salmane 74 - nynorsk 1978 bible

Salmane 74

¹Ein læresalme av Asaf. Gud, kvifor har du støytt oss ¬bort for alltid? Kvifor ryk din vreide ¬mot den hjord du gjæter?

²Kom i hug det folk du vann deg i gamal tid, di eiga ætt som du fria ut. Tenk på Sion-fjellet, ¬der du har din bustad.

³Stig opp til dei gamle ruinar! I heilagdomen ¬har fienden øydelagt alt.

⁴I huset der folket ditt samlast, lydde brølet ¬frå dine motstandarar; der sette dei sine faner ¬som sigersteikn.

⁵Det var eit syn som når ein lyfter ¬øksar i tjukke skogen.

⁶Så slo dei sund ¬all treskurden der med bile og brekkjern.

⁷Dei sette eld på din heilagdom, heilt til grunnen vanhelga dei staden der ditt namn bur.

⁸Dei tenkte: ¬«Vi gjer dei alle til trælar!» Kvart gudshus i landet ¬brende dei.

⁹Vi ser ikkje våre eigne faner. Det finst ikkje lenger ¬nokon profet, og det finst ingen hjå oss ¬som veit kor lenge dette skal vara.

¹⁰Kor lenge, Gud, ¬skal dei driva sin spott, dei som står deg imot? Skal fienden for alltid få vanvørda ditt namn?

¹¹Kvifor held du handa di att? Ta di høgre hand frå barmen, og gjer slutt på dette!

¹²Men du, Gud, ¬er min konge frå gamal tid, du som gjer frelsesverk ¬på jorda.

¹³Du kløyvde havet i ditt velde og krasa hovuda ¬åt drakane i vatnet.

¹⁴Du slo sund hovuda ¬åt Leviatan og gav dei til føde ¬for dyra i øydemarka.

¹⁵Kjelde og bekk ¬lét du strøyma fram, du turka ut elvar ¬som alltid har vatn.

¹⁶Din er dagen, og di er natta; du sette sol og måne ¬på plass.

¹⁷Du fastsette alle grenser ¬på jorda, sommar og vinter ¬er det du som har skapt.

¹⁸Herre, kom dette i hug når fienden driv sin spott, og eit folk av dårar ¬vanvørder ditt namn.

¹⁹Gjev ikkje di turteldue ¬til villdyr, gløym aldri dine armingars liv! [89]

²⁰Kom i hug di pakt med oss! For kvar avkrok i landet ¬er full av valdsferd.

²¹Lat ikkje dei trælka ¬gå bort med skam, lat dei arme og fattige ¬prisa ditt namn!

²²Reis deg, Gud, og før di sak! Kom i hug at du dagen lang ¬vert spotta av dårar!

²³Gløym ikkje ropet ¬åt dine fiendar, ståket som alltid stig opp frå dei som står deg imot.