Read nynorsk 1978 Salmane 75 Bible Online

Salmane 75 - nynorsk 1978 bible

Salmane 75

¹Til korleiaren. «Øydelegg ikkje!» Ein Asaf-salme. Ein song. [90] [91]

²Gud, vi prisar og takkar deg. Ditt namn er nær hjå dei som fortel om dine under.

³«På den tid eg har fastsett, skal eg halda rettferdig dom.

⁴Jorda og alle som bur der, ¬kan rikkast, men eg har gjort ¬hennar søyler faste.» Sela

⁵Eg sa til dårane: ¬«Ver ikkje dumme!» og til dei gudlause: ¬«Ver ikkje stolte!

⁶Briska dykk ikkje ¬av dykkar makt, gjer ikkje nakken bratt ¬og talen frekk!»

⁷For det kjem inga oppreising ¬frå aust eller vest og heller ikkje frå øydemarka.

⁸Nei, det er Gud som dømer. Éin bøyer han ned, ¬og éin reiser han opp.

⁹Herren har eit staup i si hand med skummande, krydda vin. Han skjenkjer i av vinen, og alle vonde på jorda ¬må drikka, jamvel botnfallet må dei tøma.

¹⁰Men eg vil alltid fortelja ¬om dette og spela og syngja ¬for Jakobs Gud.

¹¹«Eg tek makta ¬frå alle dei gudlause, men dei rettferdige ¬skal få stor kraft.»