Read nynorsk 1978 Salmane 76 Bible Online

Salmane 76 - nynorsk 1978 bible

Salmane 76

¹Til korleiaren. Med strengespel. Ein Asaf-salme. Ein song.

²Gud er kjend i Juda, hans namn er stort i Israel.

³I Salem er hans hytte reist, på Sion står hans bustad.

⁴Der braut han sund ¬dei lynande piler, krigens våpen, ¬skjold og sverd. Sela

⁵Strålande er du, herlegare enn dei ¬eldgamle fjell.

⁶Modige menn vart plyndra, og dei sovna inn. Hendene svikta ¬kvar stridsmann.

⁷Ved dine trugsmål, ¬Jakobs Gud, fall hest og krigar i dvale.

⁸Ageleg er du, Gud. Kven kan stå seg for ditt åsyn når du vert vreid?

⁹Du kunngjer din dom ¬frå himmelen. Jorda vert mållaus av redsle

¹⁰når Gud står opp for å døma og frelsa ¬alle armingar på jord. Sela

¹¹Jamvel manns harme ¬vert til lovsong for deg; harmen endar med høgtid.

¹²Gjev lovnader til Herren ¬dykkar Gud, og lat han få det de har lova! Folk skal koma frå alle kantar med gåver til den agelege Gud.

¹³Han bøyer dei stolte fyrstar, og kongane på jord ¬må ottast han.