Read nynorsk 1978 Salmane 77 Bible Online

Salmane 77 - nynorsk 1978 bible

Salmane 77

¹Til korleiaren. Etter Jedutun. Ein Asaf-salme. [92]

²Eg ropar til Gud, ja, eg ropar til Gud, ¬og han høyrer meg.

³Den dagen eg er i naud, ¬søkjer eg Herren. Om natta retter eg ut mi hand, og ho trøytnar ikkje. Mi sjel lèt seg ikkje trøysta. [93]

⁴Eg tenkjer på Gud og sukkar; eg gruvlar ¬og kjenner meg kraftlaus. Sela

⁵Heile natta held du meg vaken; eg er så uroleg, ¬eg kan ikkje tala.

⁶Eg tenkjer på gamle dagar og minnest framfarne år.

⁷Om natta strevar eg ¬med tankar, eg gruvlar, mi ånd granskar.

⁸Vil Herren støyta oss bort ¬for alltid og aldri visa sin godvilje meir?

⁹Er hans truskap for evig slutt, har ordet hans stilna ¬for alle ætter?

¹⁰Kan Gud ha gløymt ¬å vera nådig, er han vreid ¬og held att si miskunn? Sela

¹¹Eg seier: «Det piner meg at Den Høgste har drege til seg ¬si hand.

¹²Eg minnest Herrens ¬gjerningar, minnest dei under ¬du gjorde før.

¹³Eg tenkjer på kvar dåd ¬du gjorde, og grundar på dine storverk.

¹⁴Gud, i heilagdom går du fram. Kvar er ein gud ¬så stor som Herren?

¹⁵Du er den Gud som gjer under, mellom folka har du synt ¬di kraft.

¹⁶Med velde løyste du ut ¬ditt folk, sønene åt Jakob og Josef. [94] Sela

¹⁷Vatnet såg deg, Gud; vatnet såg deg og skalv, ja, havdjupet skalv av redsle.

¹⁸Regnet strøymde frå skyene, tora dunde ¬frå skykledd himmel, og lyna fór av stad som piler.

¹⁹Du lét tora rulla som vognhjul, lyna lyste opp jordkrinsen; jorda riste og skalv.

²⁰Din veg ¬gjekk midt gjennom sjøen, din stig gjennom veldig vatn; men ingen kjende dine fotspor.

²¹Du førte ditt folk som ei hjord ved handa åt Moses og Aron.