Read nynorsk 1978 Salmane 79 Bible Online

Salmane 79 - nynorsk 1978 bible

Salmane 79

¹Ein Asaf-salme. Framande folk har trengt seg inn i ditt arveland, Gud. Dei har gjort ¬ditt heilage tempel ureint og lagt Jerusalem i røys.

²Dei har gjeve lika ¬av dine tenarar til føde for fuglane ¬under himmelen, og kjøtet av dine trugne til villdyra på marka.

³Dei har rent ut deira blod ¬som vatn rundt ikring Jerusalem, og det er ingen ¬som gravlegg dei.

⁴Vi har vorte til hån ¬for grannane våre, til spott og spe ¬for folka ikring oss.

⁵Kor lenge, Herre? Vil du vera harm for alltid? Kor lenge skal din iver ¬brenna som eld?

⁶Renn din vreide ut ¬over framande folk, som ikkje kjenner deg, renn han ut over kongerike, der ingen kallar på ditt namn.

⁷For dei har gjort ende på Jakob og lagt hans bustad i øyde.

⁸Tilrekna oss ikkje dei synder som våre fedrar gjorde. Skunda deg og møt oss ¬med di miskunn! For no er det ille med oss!

⁹Hjelp oss, Gud, du som er vår frelsar, så ditt namn kan verta æra. Fri oss ut for ditt namn skuld, og tilgjev våre synder!

¹⁰Kvifor skal folka seia: «Kvar er deira Gud?» Gjer det kjent mellom folka, og lat oss få sjå at du tek hemn for det utrende blodet ¬av dine tenarar.

¹¹Høyr korleis fangane sukkar! Løys med din veldige arm dei som er vigde til døden!

¹²Lat våre grannar ¬få sju gonger att fordi dei har spotta deg, Herre.

¹³Men vi, ditt folk, ¬den hjord du gjæter, vil lovsyngja deg til evig tid, forkynna din pris ¬frå ætt til ætt.