Read nynorsk 1978 Salmane 80 Bible Online

Salmane 80 - nynorsk 1978 bible

Salmane 80

¹Til korleiaren. Etter «Liljene». Eit vitnemål. Av Asaf. Ein salme. [99]

²Høyr oss, Israels hyrding, du som fører Josef som ¬ei hjord! Du som tronar over kjerubane, vis deg i stråleglans

³for Efraim, Benjamin ¬og Manasse! Vekk di kraft ¬og kom oss til hjelp!

⁴Reis oss opp att, Gud, lat ditt andlet lysa, ¬så vi vert frelste! [100]

⁵Herre, Allhærs Gud, kor lenge vil du la ¬din vreide ryka mot folket ditt som bed til deg?

⁶Gråt er brødet du gjev dei ¬å eta, og tårer må dei drikka ¬i fullt mål.

⁷Du lèt våre grannar stridast ¬om oss, og fiendane spottar oss.

⁸Reis oss opp att, Allhærs Gud, lat ditt andlet lysa, ¬så vi vert frelste!

⁹Eit vintre reiv du opp i Egypt, du dreiv folkeslag ut ¬og planta det. [101]

¹⁰Du rudde grunnen for det, så det røtte seg og fylte landet.

¹¹Skuggen av det gøymde fjell, greinene løynde ¬mektige sedrar.

¹²Det tøygde rankene ut til havet og renningane heilt ¬til Storelva. [102]

¹³Kvifor har du rive ned gjerdet ¬kring treet, så alle som går framom, ¬kan plukka,

¹⁴så villsvin frå skogen ¬kan gnaga på det, og krypet på marka ¬kan eta av det?

¹⁵Vend deg hit att, Allhærs Gud, skoda ned frå himmelen og sjå! Ta deg av dette vintreet,

¹⁶verna om det ¬som du har planta med di høgre hand, — sonen som du har gjeve ¬styrke!

¹⁷Dei som brende opp treet ¬lik avfall, skal gå til grunne ¬for ditt trugsmål.

¹⁸Hald di vernande hand ¬over han som er ved di høgre side, over mennesket ¬som du har gjeve styrke.

¹⁹Så vil vi aldri vika frå deg. Gjev oss liv, ¬så vil vi kalla på deg!

²⁰Reis oss opp att, ¬Herre, Allhærs Gud, lat ditt andlet lysa, ¬så vi vert frelste!