Read nynorsk 1978 Salmane 81 Bible Online

Salmane 81 - nynorsk 1978 bible

Salmane 81

¹Til korleiaren. Etter Gittit. Av Asaf. [103]

²Rop av fryd for Gud, ¬vår styrke, lat hyllingsrop ljoma ¬for Jakobs Gud!

³Lat songen stiga ¬og handtrommer lyda til fagre tonar ¬frå lyre og harpe!

⁴Blås i horn på nymånedagen og ved fullmåne, ¬på vår høgtidsdag.

⁵For det er ei føresegn i Israel, eit påbod frå Jakobs Gud,

⁶ei lov som han gav til Josefs ætt då ho drog ut or Egypt. Eg høyrer ei ukjend røyst: [104]

⁷Eg fria hans aksel for børa, hans hender slapp fri ¬frå berekorga.

⁸Du ropa i di naud, ¬og eg berga deg; eg svara deg, løynd i toreskya, og prøvde deg ¬ved Meriba-vatnet. Sela

⁹Høyr, mitt folk, ¬eg formanar deg! Israel, gjev du ville høyra ¬på meg!

¹⁰Du skal ikkje ha ¬nokon framand gud, du skal ikkje tilbe andre gudar!

¹¹Eg er Herren din Gud, som førte deg opp frå Egypt. Lat munnen opp, ¬så fyller eg han!

¹²Men folket mitt ¬høyrde ikkje på meg, Israel ville ikkje lyda meg.

¹³Så lét eg dei fara, ¬forherda som dei var; og dei fylgde sine eigne planar.

¹⁴Gjev mitt folk ¬ville høyra på meg, gjev Israel ¬ville gå på mine vegar!

¹⁵Snart skulle eg kua ¬deira fiendar og retta mi hand ¬mot deira motstandarar.

¹⁶Dei som hatar Herren, ¬må krypa for han, deira ulukketid skal alltid vara.

¹⁷Men deg vil eg fø ¬med den beste kveite og metta med honning frå fjell.