Read nynorsk 1978 Salmane 83 Bible Online

Salmane 83 - nynorsk 1978 bible

Salmane 83

¹Ein song. Ein Asaf-salme.

²Gud, hald deg ikkje i ro, ver ikkje still og tagal, Gud!

³For sjå, dine fiendar er ¬i opprør, dei som hatar deg, ¬lyfter hovudet.

⁴Dei legg lumske planar ¬mot ditt folk, dei held samråd ¬mot dei du vernar:

⁵«Kom, lat oss sletta dei ut ¬som folk, så ingen meir ¬kjem Israels namn i hug!»

⁶Dei held råd og vert samde, så gjer dei samband mot deg:

⁷dei som bur i Edoms ¬og Ismaels telt, moabittane og hagrittane, [106]

⁸Gebal, Ammon og Amalek, filistarane og dei som bur ¬i Tyrus; [107]

⁹jamvel Assur går i lag med dei og låner sin arm ¬til Lots søner. Sela [108]

¹⁰Gjer med dei som med Midjan, med Sisera og Jabin ¬ved Kisjon-bekken.

¹¹Dei fekk si endelykt ¬ved En-Dor og vart til gjødsel på marka.

¹²Lat det gå deira stormenn ¬som Oreb og Se’eb og alle deira fyrstar ¬som Sebah og Salmunna!

¹³For dei seier: «Vi vil ta Guds bustader ¬i eige.»

¹⁴Min Gud, lat dei verta ¬lik ein kvervlande tistel, lik halmstrå som fyk ¬for vinden.

¹⁵Som elden brenner opp ¬ein skog og logane set fjell i brann,

¹⁶så må du jaga dei ¬med ditt uver og skræma dei med din storm.

¹⁷Lat deira andlet raudna ¬av skam, så dei spør etter ditt namn, ¬Herre.

¹⁸Lat dei skjemmast ¬og skræmast for alltid, lat dei verta vanæra ¬og gå til grunne!

¹⁹Gjev dei må skjøna ¬at einast du, du som ber namnet Herren, er Den Høgste over all jorda.