Read nynorsk 1978 Salmane 84 Bible Online

Salmane 84 - nynorsk 1978 bible

Salmane 84

¹Til korleiaren. Etter Gittit. Av Korah-songarane. Ein salme. [109] [110]

²Kor elskelege dine bustader er, Herre, Allhærs Gud!

³Mi sjel lengta, ¬ja brann av lengsle, etter Herrens tempelgardar. No jublar hjarta og kropp mot den levande Gud. [111]

⁴Ja, fuglen har funne ein heim, svala har fått seg eit reir, der ho kan leggja sine ungar, ved dine altar, Herre, ¬Allhærs Gud, min konge og min Gud.

⁵Sæle er dei som bur i ditt hus, dei skal alltid lova deg. Sela

⁶Sæle er dei ¬som har sin styrke i deg, dei som lengtar etter ¬å fara opp til templet.

⁷Når dei fer gjennom ¬den turre dalen, gjer dei han til ein kjeldevang; haustregnet legg si signing ¬over han. [112]

⁸Dei går frå kraft til kraft, til dei stig fram for Gud ¬på Sion.

⁹Høyr mi bøn, Herre, ¬Allhærs Gud, lyd etter, du Jakobs Gud! Sela

¹⁰Gud, vårt skjold, ¬vend augo hit, og sjå på han som du har salva!

¹¹Ja, éin dag i dine tempelgardar er betre enn tusen andre. Å stå ved dørstokken ¬til Guds hus er betre enn å bu ¬i telt med gudlause.

¹²For Herren vår Gud ¬er sol og skjold, Herren gjev nåde og ære. Den som er ærleg i si ferd, nektar han ikkje noko godt.

¹³Herre, Allhærs Gud, sæl er den ¬som set si lit til deg.