Read nynorsk 1978 Salmane 85 Bible Online

Salmane 85 - nynorsk 1978 bible

Salmane 85

¹Til korleiaren. Av Korah-songarane. Ein salme.

²Du har vist nåde ¬mot landet ditt, Herre, Jakobs lagnad har du vendt.

³Du tok bort skulda åt folket ditt og tilgav alle deira synder. Sela

⁴All din harme tok du tilbake, din brennande vreide ¬lét du fara.

⁵Reis oss opp att, ¬Gud, vår frelsar, vend din uvilje bort frå oss!

⁶Vil du vera harm på oss ¬for alltid og la vreiden vara ¬frå ætt til ætt?

⁷Vil ikkje du gje oss liv på nytt, så ditt folk kan gleda seg i deg?

⁸Lat oss få sjå din godleik, ¬Herre, og gjev oss di frelse!

⁹Eg vil høyra ¬kva Gud, Herren, seier. For han talar fred ¬til sitt folk, til sine trugne, — berre dei ikkje vender seg ¬til dårskap!

¹⁰Ja, hans frelse er nær for dei som ottast han; hans herlegdom ¬skal bu i vårt land.

¹¹Godleik og sanning ¬skal møta kvarandre, rettferd og fred ¬kyssa kvarandre.

¹²Truskap skal gro opp or jorda og rettferd sjå ned ¬frå himmelen.

¹³Då gjev Herren det ¬som godt er, og landet vårt ber si grøde.

¹⁴Rettferd går framføre han, og frelse fylgjer i hans fotefar.