Read nynorsk 1978 Salmane 88 Bible Online

Salmane 88 - nynorsk 1978 bible

Salmane 88

¹Ein song. Ein salme av Korah- songarane. Til korleiaren. Til å syngja etter «Mahalat». Ein læresalme av Heman, som høyrde Esrah-ætta til. [113] [114]

²Herre, du Gud ¬som er min frelsar, eg ropar til deg dag og natt.

³Lat mi bøn koma fram for deg, vend øyra til mitt klagerop!

⁴Mi sjel er mett av ulukker, mitt liv er kome dødsriket nær.

⁵Eg vert rekna til dei ¬som steig ned i grava, eg er som ein mann utan kraft.

⁶Eg er som ein død ¬mellom døde, lik falne som ligg i si grav; du kjem dei ikkje meir i hug, skilde som dei er frå di hand.

⁷Du har lagt meg ¬i grava der nede, i den mørke, djupe avgrunn.

⁸Din harme kviler tungt på meg du lèt dine brotsjøar ¬slå over meg. Sela

⁹Du har teke mine kjenningar ¬frå meg og gjort det så ¬at dei avskyr meg. Eg er innestengd ¬og kjem ikkje ut,

¹⁰mitt auga sløvest av plager. Herre, eg ropar dagleg til deg og retter hendene ut mot deg.

¹¹Gjer du vel under for dei døde, står daudingar opp ¬og prisar deg? Sela

¹²Fortel dei om di miskunn ¬i grava, om din truskap i dødsriket?

¹³Vert dine under kjende ¬i mørkret, di rettferd i gløymslelandet?

¹⁴Men eg, Herre, ropar til deg, om morgonen kjem mi bøn ¬imot deg.

¹⁵Kvifor støyter du meg bort ¬frå deg, Herre, kvifor løyner du ditt andlet ¬for meg?

¹⁶Eg er elendig, ja døden nær, og det har eg vore ¬frå ungdomen av; rådvill ber eg dine redsler.

¹⁷Din brennande harme ¬slår over meg, dine redsler gjer ende på meg.

¹⁸Heile dagen ¬er dei ikring meg som vatn, alle saman omringar meg.

¹⁹Du har teke vener ¬og frendar ifrå meg, og mine kjenningar ¬held du borte.