Read nynorsk 1978 Salmane 9 Bible Online

Salmane 9 - nynorsk 1978 bible

Salmane 9

¹Til korleiaren. Etter «Mut labbén». Ein Davids-salme. [11]

²Eg vil takka deg, Herre, ¬av heile mitt hjarta og fortelja om alle dine under.

³Eg vil gleda og fagna meg i deg og lovsyngja ditt namn, ¬du Høgste.

⁴For mine fiendar drog seg ¬tilbake, dei snåva og gjekk til grunne ¬for ditt åsyn.

⁵Ja, du har ført mi sak ¬og min strid, har sett deg på trona, ¬du rettvise domar.

⁶Du truga folkeslag, ¬gjorde ende på dei vonde og strauk ut deira namn ¬for evig.

⁷Fienden er ferdig, ¬øydelagd for alltid; folket dreiv du ut or byane, og ingen minnest dei meir.

⁸Herren tronar til evig tid, han har reist sitt domarsete.

⁹Han dømer verda med rettferd, feller rettvis dom over folkeslag.

¹⁰Herren er ei borg ¬for dei trælka, ei borg i trengselstider.

¹¹Dei som kjenner ditt namn, ¬lit på deg, for du sviktar ikkje dei ¬som søkjer deg, Herre.

¹²Syng for Herren, ¬som bur på Sion, kunngjer hans storverk ¬mellom folka!

¹³Han straffar dei ¬som er skuldige i drap, men tek seg av dei hjelpelause og gløymer ikkje deira skrik.

¹⁴Ver meg nådig, Herre, ¬og sjå den naud som mine fiendar ¬har valda meg. Du fører meg opp ¬frå dødens portar, [12]

¹⁵så eg kan fortelja ¬om alle dine storverk og jubla over di frelse ¬i Sions portar. [13]

¹⁶Folkeslag sokk ¬i den grava dei grov, deira føter vart fanga ¬i garnet dei sette.

¹⁷Herren openberra seg ¬og heldt dom; dei gudlause vart fanga ¬i si eiga gjerning. Higgajon Sela [14]

¹⁸Til dødsriket ¬skal dei gudlause fara, alle folkeslag som gløymer Gud.

¹⁹Men dei fattige ¬vert ikkje gløymde for alltid, dei hjelpelause ¬er ikkje for evig utan von.

²⁰Reis deg, Herre! Lat ikkje menneske få makta, lat folkeslag få ¬sin dom for ditt åsyn!

²¹Set redsle i folka, Herre, så dei skjønar ¬at dei berre er menneske. Sela