Read nynorsk 1978 Salmane 90 Bible Online

Salmane 90 - nynorsk 1978 bible

Salmane 90

¹Ei bøn av gudsmannen Moses. Herre, du har vore ein bustad for oss frå ætt til ætt.

²Før fjella vart fødde, før jorda og verda vart til, ja, frå æve til æve er du, Gud.

³Du lèt mennesket verta ¬til støv att og seier: «Vend tilbake, ¬de menneskeborn!»

⁴For tusen år er i dine augo som dagen i går ¬då han fór framom, eller som ei nattevakt.

⁵Du riv menneska bort, dei er som ein svevn. Om morgonen er dei ¬som groande graset:

⁶Om morgonen gror det ¬og blømer, om kvelden er det vise og turt.

⁷Vi går til grunne ¬ved din vreide, redsle grip oss ved din harme.

⁸Våre misgjerningar ¬har du for auga, vår løynde synd vert synleg i ljoset frå ditt åsyn.

⁹Alle våre dagar ¬fer fram i din vreide, åra går som ein pust.

¹⁰Vår levetid er sytti år, og åtti år, når styrken er stor. Deira herlegdom er strev ¬og møde; snart er det slutt, ¬vi flyr av stad.

¹¹Kven kjenner styrken ¬i din vreide, kven ottast deg, ¬så han skjønar din harme?

¹²Lær oss å telja våre dagar, så vi kan få visdom i hjarta!

¹³Kom attende, Herre! ¬Kor lenge? Ha medynk med dine tenarar!

¹⁴Metta oss med miskunn ¬når morgonen renn, så vi kan gleda og fagna oss ¬alle våre dagar.

¹⁵Gled oss så lenge ¬som du har audmykt oss, like mange år ¬som vi har lide vondt.

¹⁶Lat dine tenarar få sjå ¬di gjerning, og vis din herlegdom ¬for deira born!

¹⁷Gjev Herrens velvilje ¬må vera over oss! Gjev du må fremja ¬våre henders verk, ja, fremja våre henders verk!