Read nynorsk 1978 Salmane 91 Bible Online

Salmane 91 - nynorsk 1978 bible

Salmane 91

¹Den som sit i livd ¬hjå Den Høgste og bur i skuggen ¬av Den Allmektige,

²han seier til Herren: ¬«Mi livd og borg, min Gud som eg set mi lit til!»

³Ja, han bergar deg ¬frå jegerens snare, frå pest som tyner.

⁴Med sine fjører løyner han deg, under hans venger finn ¬du livd. Hans truskap er skjold og vern.

⁵Du skal ikkje reddast ¬for skræmsler om natta, for piler som flyg om dagen,

⁶for pest som snikjer seg ¬fram i mørkret, for sott som herjar ¬middagstider.

⁷Om tusen fell ved di side, ti tusen ved di høgre hand, så skal ikkje ulukka nå deg.

⁸Du skal berre vera vitne til det og sjå at dei gudlause får si løn.

⁹For du seier: ¬«Herren er mi livd.» Den Høgste har du gjort ¬til din bustad.

¹⁰Inkje vondt skal koma over deg og inga plage nå ditt telt.

¹¹For han skal gje ¬sine englar påbod at dei skal verna deg ¬på alle dine vegar.

¹²Dei skal bera deg på hendene, så du ikkje støyter foten ¬på nokon stein.

¹³På løve og orm skal du trakka, ungløve og orm ¬skal du trø under fot.

¹⁴«Eg bergar han, ¬for han held seg til meg; eg gjev han livd, ¬for han kjenner mitt namn.

¹⁵Når han kallar på meg, ¬svarar eg; eg er med han i naud ¬og trengsle, eg friar han ut og gjev han ære.

¹⁶Eg mettar han ¬med mange dagar og lèt han sjå mi frelse.»