Read nynorsk 1978 Salmane 92 Bible Online

Salmane 92 - nynorsk 1978 bible

Salmane 92

¹Ein salme. Ein song til bruk på sabbatsdagen.

²Det er godt å lovsyngja Herren og prisa ditt namn, du Høgste,

³å forkynna di miskunn ¬om morgonen, din truskap om nettene,

⁴til tistrengja sitar og harpe, til tonar frå lyra.

⁵Med ditt verk har du gledt meg, ¬Herre; eg jublar over det du har gjort.

⁶Kor store dine gjerningar er, kor djupe dine tankar, Herre!

⁷Ein uvitug mann ¬forstår ikkje dette, dåren skjønar det ikkje.

⁸Dei gudlause gror som graset, alle ugjerningsmenner blømer, men dei skal rydjast ut ¬for alltid.

⁹Du, Herre, er høg til evig tid.

¹⁰Men dine fiendar, Herre, dei skal gå til grunne, og alle ugjerningsmenner ¬skal spreiast.

¹¹Du gjev meg kraft ¬som ein villokse og salvar meg ¬med den friskaste olje.

¹²Eg får sjå at mine fiendar fell, eg får høyra korleis det går med ugjerningsmenner ¬som reiser seg mot meg.

¹³Men dei rettferdige gror ¬som palmer, dei veks som sedrar ¬på Libanon.

¹⁴Dei er planta i Herrens hus og blømer i vår Guds ¬tempelgardar.

¹⁵Enno i sin alderdom ¬ber dei frukt, friske og frodige er dei.

¹⁶Såleis forkynner dei ¬at Herren er rettvis; hjå han, mitt berg, ¬er det ingen urett.