Read nynorsk 1978 Salmane 94 Bible Online

Salmane 94 - nynorsk 1978 bible

Salmane 94

¹Herre, du Gud som straffar, stig fram i stråleglans, ¬du straffande Gud!

²Reis deg, du som dømer jorda, lat dei stolte få att ¬for det dei har gjort!

³Kor lenge ¬skal dei gudlause jubla, kor lenge skal dei jubla, Herre?

⁴Dei talar ein flaum ¬av frekke ord, alle ugjerningsmenner skryter.

⁵Dei knuser ditt folk, Herre, og kuar din eigedom.

⁶Enkjer og framande ¬slår dei i hel, og farlause myrdar dei.

⁷Dei seier: «Herren ser ¬det ikkje, han merkar det ikkje, ¬Jakobs Gud.»

⁸De må då skjøna, ¬de uvituge folk! Når skal de få vit, de dårar?

⁹Høyrer ikkje han ¬som planta øyra, ser ikkje han som skapte auga?

¹⁰Tuktar ikkje han ¬som fostrar folka, han som gjev menneska vit?

¹¹Herren kjenner ¬mannsens tankar, han veit at dei er ¬som ein pust.

¹²Sæl er den du tuktar, Herre, den du gjev lærdom ved di lov.

¹³Så lèt du han få ro og friar han frå vonde dagar, til dess dei gudlause får si grav.

¹⁴Herren vil ikkje støyta bort ¬sitt folk og ikkje svikta sitt arveland.

¹⁵For rett skal atter verta rett, og den skal dei fylgja, alle dei ærlege av hjarta.

¹⁶Kven vil stø meg ¬mot dei vonde og hjelpa meg ¬mot ugjerningsmenner?

¹⁷Om ikkje Herren ¬var min hjelpar, låg eg snart i det stille landet. [119]

¹⁸Om eg må seia: ¬«Min fot er ustø,» så held din truskap meg oppe, ¬Herre.

¹⁹Er mitt hjarta fullt ¬av urolege tankar, så er di trøyst til glede for meg.

²⁰Er du i pakt med ¬tynings domstol, som i strid med lova ¬skaper ulukke? [120]

²¹Dei slår seg saman ¬mot rettvise menn og dømer skuldlause til døden.

²²Men Herren er ei borg for meg, min Gud er fjellet ¬som eg flyr til.

²³Han lèt deira urett ¬råka dei sjølve og rydjar dei ut ¬for deira vondskap. Ja, Herren vår Gud ¬vil rydja dei ut.