Read nynorsk 1978 Salmane 97 Bible Online

Salmane 97 - nynorsk 1978 bible

Salmane 97

¹Herren er konge! ¬Jorda skal jubla, øyar og strender ¬skal gleda seg. [123]

²Sky og skodd er kring han, rett og rettferd er grunnvoll ¬for hans kongsstol.

³Eld går framfor han og øyder hans fiendar ¬rundt ikring.

⁴Hans lynglimt lyser opp ¬jordkrinsen, jorda ser det og skjelv.

⁵Fjella brånar som voks ¬for Herren, for han er herre ¬over all jorda.

⁶Himmelen forkynner ¬hans rettferd, og alle folka ser ¬hans herlegdom.

⁷Til skammar vert alle ¬som dyrkar bilete, som rosar seg ¬av gagnlause gudar. Alle gudar må bøya seg ¬for han.

⁸Men Sion høyrer det ¬og gleder seg, byane i Juda jublar, Herre, over dine rettferdige domar.

⁹For over all jorda er du den høgste, Herre; høgt er du opphøgd ¬over alle gudar.

¹⁰De som elskar Herren, ¬hata det vonde! Han vernar sine trugne og friar dei frå gudlaus hand.

¹¹Ljos strålar fram ¬for den rettferdige, og glede for dei ¬som er ærlege av hjarta.

¹²Gled dykk i Herren, ¬de rettferdige, og lovsyng hans heilage namn!