Read nynorsk 1978 Salmane 99 Bible Online

Salmane 99 - nynorsk 1978 bible

Salmane 99

¹Herren er konge, folka bivrar, jorda skjelv for han som tronar over kjerubane.

²Stor er Herren på Sion, opphøgd er han over alle folk.

³Dei skal prisa ditt namn som er stort og ageleg. Heilag er Herren.

⁴Mektige konge, ¬som elskar rettferd, du har grunnlagt rett ¬og orden. Du gjer rett og rettferd i Jakob.

⁵Lovsyng Herren vår Gud, og kast dykk ned ¬for hans fotskammel! Heilag er Herren.

⁶Moses og Aron ¬var mellom hans prestar, Samuel mellom dei ¬som kalla på hans namn. Dei ropa til Herren, ¬og han svara;

⁷i ein skystolpe ¬tala han til dei. Dei heldt hans påbod ¬og den lov han gav dei.

⁸Herre, vår Gud, ¬du gav dei svar. Du var for dei ¬ein Gud som tilgav, men òg ein Gud ¬som straffa dei for deira vonde gjerningar.

⁹Lovsyng Herren vår Gud, bøy dykk og tilbed han på hans heilage fjell. For heilag er Herren vår Gud. or heilag er Herren vår Gud.