Read nynorsk 1978 Ordtaka 10 Bible Online

Ordtaka 10 - nynorsk 1978 bible

Ordtaka 10

¹Ordtøke av Salomo. Ein klok son ¬er til glede for far sin, men ein uvitug son ¬er mor si til sorg.

²Gagnlause er skattar ¬vunne med urett, men rettferd bergar frå døden.

³Herren lèt ikkje ¬den rettferdige svelta, men seier nei ¬når dei gudlause krev.

⁴Fattig vert den ¬som er lat i sitt arbeid, men strevsam hand gjer rik.

⁵Klok er den som samlar i hus ¬om sommaren, skam får den ¬som søv i skurdonna.

⁶Over hovudet ¬på den rettferdige kjem velsigning frå Herren, men munnen åt gudlause ¬løyner vald.

⁷Velsigna er minnet ¬om den rettferdige, men namnet åt dei gudlause ¬rotnar bort.

⁸Klok er den ¬som tek boda til seg, men den som fer ¬med dumt snakk, fell.

⁹Trygt går den ¬som er heil i si ferd, men den som går krokvegar, ¬vert gripen.

¹⁰Den som blunkar listig ¬med auga, valdar skade, den som fer ¬med dumt snakk, fell. [10]

¹¹Rettferdig manns munn ¬er ei kjelde til liv, men munnen åt gudlause ¬løyner vald.

¹²Hat vekkjer strid og trette, men kjærleik løyner alle brot.

¹³På vitug manns lipper ¬er visdom å finna, men stokken skal brukast ¬på ryggen åt den tankelause.

¹⁴Dei vise samlar på kunnskap; når dåren talar, er ulukka nær.

¹⁵Rikmanns gods ¬er hans faste borg, armod er ulukka for dei fattige.

¹⁶Det den rettvise tener, gjev liv, det den gudlause vinn, ¬fører til synd.

¹⁷Å akta på tukt ¬er ein veg til liv, den som vanvørder refsing, ¬går seg bort.

¹⁸Den som løyner hat, ¬har falske lipper, ein dåre er den ¬som fer med slarv.

¹⁹Den som talar mykje, ¬syndar lett, klok er den som tøymer tunga.

²⁰Rettferdig manns tunge ¬er som utvalt sølv, det dei gudlause tenkjer, ¬er ingenting verdt.

²¹Rettferdig manns lipper ¬styrkjer mange, men dårar døyr, ¬for dei har ikkje vit.

²²Det er Herrens velsigning ¬som gjer rik, eige strev legg ingenting til.

²³Skamlaus gjerning ¬er til lyst for dåren, den vituge gleder seg ¬over visdom.

²⁴Det den gudlause reddast, ¬kjem over han, dei rettferdige får ¬det dei lengtar etter.

²⁵Når stormen fer fram, ¬vert den gudlause borte, rettvis mann ¬har ein grunnvoll som varer.

²⁶Som eddik for tennene ¬og røyk for augo er den late tenaren ¬for sin herre.

²⁷Age for Herren forlengjer livet, men gudlause menn ¬får færre år.

²⁸Rettferdige menneske ¬har glede i vente, men vona kverv ¬for dei gudlause.

²⁹Herrens veg ¬er eit vern for dei ærlege, men ugjerningsmenn ¬går til grunne der.

³⁰Den rettferdige ¬skal alltid stå støtt, men dei gudlause ¬får ikkje bu i landet.

³¹Rettferdig manns munn ¬ber visdoms frukt, men falske tunger ¬skal skjerast av.

³²Den rettferdige veit ¬å velja høvande ord, falskt er alt ¬det dei gudlause seier.