Read nynorsk 1978 Ordtaka 12 Bible Online

Ordtaka 12 - nynorsk 1978 bible

Ordtaka 12

¹Den som elskar tukt, ¬elskar kunnskap, dum er den ¬som mislikar refsing.

²Den som er god, ¬får nåde hjå Herren, men den som fer med svik, ¬vert dømd skuldig.

³Med vondskap ¬står ingen støtt, men rota åt dei rettferdige ¬kan ingen rikka.

⁴Dugande kone ¬er ei krone for mannen, duglaus kvinne ¬er som verk i hans bein.

⁵Dei rettferdige tenkjer ¬på det som er rett, dei vonde ¬legg svikefulle planar.

⁶Det dei gudlause talar, ¬er eit livsfarleg bakhald, dei ærlege vert berga ¬med det dei seier.

⁷Dei gudlause vert kasta i koll ¬og kjem bort, men husa åt dei rettferdige ¬står støtt.

⁸Ein mann får ros ¬når han er klok, den som tenkjer vrangt, ¬kjem i vanvørdnad.

⁹Betre å arbeida ¬for sitt brød utan ære enn å spela storkar ¬og vanta mat.

¹⁰Den rettferdige ¬har omsut for buskapen sin, men dei gudlause ¬er harde i hugen.

¹¹Den som dyrkar si jord, ¬kan eta seg mett, tankelaus er den som jagar ¬etter fåfengde ting.

¹²Det dei gudlause har lyst til, ¬er eit vondskaps garn, men dei rettferdige har fast rot.

¹³Svikefulle ord ¬vert ei felle for den vonde, den rettferdige slepp ut ¬or nauda.

¹⁴Ein mann nyt godt ¬av det munnen ber fram, eit menneske får att ¬for det det har gjort.

¹⁵Dåren held sin eigen veg ¬for den rette, men vis er den ¬som høyrer på råd.

¹⁶Når dåren er arg, ¬vert det kjent på dagen, klok er den som teier ¬når han vert krenkt.

¹⁷Den som seier sanninga, ¬talar rett, falske vitne fer med svik.

¹⁸Tankelaus tale stikk som sverd, men vismenn har lækjedom ¬på tunga.

¹⁹Den som talar sant, ¬står seg for alltid, men lygnaren ¬berre ei lita stund.

²⁰Dei som emnar på vondt, ¬har svik i hjarta, men glede får dei ¬som rår til fred.

²¹Dei rettvise ¬kjem ikkje ut for noko vondt, men dei gudlause ¬ber ulukka i seg.

²²Herren styggjest ved den ¬som har lygn på lippene, men har godhug for dei ¬som fer ærleg fram.

²³Ein klok mann døl det han veit, dåren ropar ut sin dårskap.

²⁴Den som er strevsam ¬med handa, får styra, men latskap gjer mannen ¬til træl.

²⁵Sorg og sut ¬gjer mannen tung om hjarta, men gode ord gjer han glad.

²⁶Den rettferdige rettleier ¬sin neste, men vegen dei gudlause går, ¬fører vilt.

²⁷Den late får ikkje tak i sitt vilt, men dyr er skatten ¬den annsame får.

²⁸På rettferds stig er livet å finna, den vegen fører ikkje ¬til døden.