Read nynorsk 1978 Ordtaka 15 Bible Online

Ordtaka 15 - nynorsk 1978 bible

Ordtaka 15

¹Eit mildt svar ¬døyver sinne, sårande ord vekkjer vreide.

²Vismenns tunge ¬gjev god kunnskap, men dårskap strøymer ¬frå dårars munn.

³Herrens augo er alle stader, dei vaker over vonde ¬og gode.

⁴Ei varsam tunge ¬er eit livsens tre, men lygn på tunga ¬gjev hjartesår.

⁵Dåren vanvørder ¬formaning frå far sin, klok er den ¬som aktar på refsing.

⁶I rettferdig manns hus ¬er det stor rikdom; det den gudlause vinn, ¬går tapt.

⁷Vismenns lipper ¬strøyer ut kunnskap, men dårens hjarta er ikkje rett.

⁸Offer frå dei gudlause ¬er ein styggedom for Herren, men bøn frå dei ærlege ¬tek han vel imot.

⁹Det den gudlause gjer, ¬er ein styggedom for Herren, men han elskar dei ¬som jagar etter rettferd.

¹⁰Hard tukt får den ¬som vik av frå stigen, den som hatar refsing, må døy.

¹¹Dødsrike og avgrunn ¬ligg opne for Herren, kor mykje meir ¬då menneskehjarta.

¹²Spottaren mislikar refsing, til dei vise går han ikkje.

¹³Glede i hjarta gjer andletet ljost, men hjartesorg gjer motlaus.

¹⁴Vitug mann søkjer kunnskap, men dårar fer berre ¬med dårskap.

¹⁵For ein arming ¬er dagane vonde, men gladlyndt mann ¬har alltid gjestebod.

¹⁶Betre er lite med otte ¬for Herren enn stor rikdom med uro attåt.

¹⁷Betre er ein grønsakrett ¬med kjærleik enn oksesteik med hat attåt.

¹⁸Bråsint mann ¬valdar strid og trette, den langmodige ¬får striden til å stilna.

¹⁹For den late er vegen ¬som eit klungergjerde, men jamn er stigen ¬for dei ærlege.

²⁰Ein klok son ¬er til glede for far sin, ein dum mann ¬vanvørder mor si.

²¹Den tankelause ¬har glede av dårskap, den vituge går beint fram.

²²Utan rådlegging ¬mislukkast planane, men når mange gjev råd, ¬har dei framgang.

²³Mannen gled seg ¬når munnen kan svara. Kor godt med eit ord i rette tid!

²⁴For den kloke ¬fører livsvegen oppover, og då slepp han unna ¬dødsriket der nede.

²⁵Herren riv huset ned ¬for dei hovmodige, enkjer lèt han få ha si jord.

²⁶Vonde tankar ¬er ein styggedom for Herren, men milde ord er reine.

²⁷Den som jagar etter vinning, ¬set huset over styr, men den som hatar muter, ¬får leva.

²⁸Den rettferdige tenkjer seg om ¬før han talar, men vondskapen strøymer ¬frå munnen på gudlause.

²⁹Herren er langt borte ¬frå dei vonde, men han høyrer bøna ¬åt dei rettferdige.

³⁰Lysande augo gjer hugen glad, god bodskap gjev merg i bein.

³¹Når ein høyrer på refsing ¬som tener livet, held ein gjerne lag med dei vise.

³²Den som avviser tukt, ¬vanvørder seg sjølv, den som høyrer på refsing, ¬får godt skjøn.

³³Age for Herren ¬manar til visdom, føre ære går audmykt.