Read nynorsk 1978 Ordtaka 16 Bible Online

Ordtaka 16 - nynorsk 1978 bible

Ordtaka 16

¹Mennesket legg planar, men ordet på tunga ¬kjem frå Herren.

²Ein mann kan synast ¬at hans ferd er rein, men Herren prøver ¬menneskeånda.

³Lat Herren ta seg av ¬alt ditt verk, så skal planane dine lukkast.

⁴Alt det Herren har skapt, ¬har eit føremål, gudløysings lagnad ¬er ulukkedagen.

⁵Kvar hovmodig mann ¬er ein styggedom for Herren. Ver trygg, ¬han slepp ikkje straff!

⁶Med miskunn og truskap ¬vert synda sona, den som har age for Herren, ¬held seg frå det vonde.

⁷Har Herren hugnad ¬i ein manns ferd, lèt han jamvel hans fiendar ¬halda fred med han.

⁸Betre er lite med rettferd enn stor vinning med urett.

⁹I hjarta tenkjer mannen ¬ut si ferd, men Herren styrer hans steg.

¹⁰Det er kongens ord ¬som avgjer ei sak, han tek ikkje feil ¬når han dømer.

¹¹Rett vekt og vektskål ¬krev Herren, og alle vektlodd vedkjem han.

¹²Nidingsdåd ¬er ein styggedom for kongar, rettferd tryggjer trona.

¹³Kongen likar rettferdige ¬lipper, han elskar den som talar rett.

¹⁴Kongens harme ¬ber bod om død, men ein vismann ¬kan stilla harmen.

¹⁵Når kongens andlet lyser, ¬er livet berga. Hans velvilje ¬er som ei sky med vårregn.

¹⁶Å vinna visdom ¬er betre enn gull, å få vit er meir verdt enn sølv.

¹⁷Den kongsveg dei ærlege går, ¬er å vika frå det vonde, den som aktar på si ferd, ¬tek vare på livet.

¹⁸Stormod fører til undergang, hovmod står for fall.

¹⁹Betre å vera audmjuk ¬med armingar enn å dela hærfang ¬med dei stolte.

²⁰Den som aktar på ordet, ¬finn lukke, sæl er den som lit på Herren.

²¹Klok kallar dei den ¬som har visdom i hjarta, veltalande ord ¬aukar eins lærdom.

²²Den som har skjøn, ¬har ei kjelde til liv, dårskap er den lærdom ¬dårar får.

²³Visdom i hjarta ¬gjev klokskap i tale, ein får meir og meir kunnskap ¬å bera fram.

²⁴Milde ord ¬er som drypande honning, søte for sjela ¬og sunne for kroppen.

²⁵Om mannen meiner ¬at vegen er rett, kan han likevel enda i døden.

²⁶Svolten får mannen ¬til å arbeida, mathugen driv han fram.

²⁷Nidingen grev ei ulukkegrav, det brenn som eld ¬på hans lipper.

²⁸Ein renkesmed skaper strid, den som baktalar andre, ¬skil ven frå ven.

²⁹Valdsmannen lokkar sin neste og fører han inn ¬på ein farleg veg.

³⁰Når ein mann knip augo i hop, tenkjer han på ¬svikefull gjerning; og når han ¬pressar lippene saman, set han ulukka i verk. [15]

³¹Grått hår er ein fager krans, på rettferds veg ¬vert han vunnen.

³²Ein visleg mann ¬er betre enn ei kjempe; den som styrer sin hug, er betre enn den ¬som tek ein by.

³³Dei rister terningen i fanget, men avgjersla ¬kjem alltid frå Herren.