Read nynorsk 1978 Ordtaka 2 Bible Online

Ordtaka 2 - nynorsk 1978 bible

Ordtaka 2

¹Son min, ta imot mine ord, og ta vare på mine bod,

²så du vender øyra til visdomen og freistar å skjøna ¬med heile din hug.

³Ja, berre kall på vitet, og rop etter skjøn ¬med høg røyst!

⁴Leit etter det som var det sølv, grundig som når ein grev ¬etter skattar.

⁵Då skal du skjøna ¬kva gudsfrykt er, og vinna kjennskap til Gud.

⁶For det er Herren ¬som gjev visdom, frå hans munn ¬kjem kunnskap og skjøn.

⁷Han lèt dei ærlege ¬ha framgang, er eit skjold for den ¬som er heil i si ferd.

⁸Han vernar dei stigar ¬der retten rår, og vaktar vegen ¬for sine trugne.

⁹Då skal du skjøna deg ¬på rettferd og rett, på rettvise og all god framferd.

¹⁰For du skal få visdom i hjarta, og kunnskap ¬skal gjera deg glad.

¹¹Ettertanke skal vakta deg og godt skjøn verna deg.

¹²Det skal berga deg ¬frå den vonde vegen, frå folk som fer ¬med rang tale,

¹³frå dei som går bort ¬frå dei rette stigar og held seg til mørke vegar.

¹⁴Dei gleder seg ¬når dei gjer vondt, og fegnast over ¬det vonde og vrange.

¹⁵Dei ferdast på krokete stigar, går seg bort på sine vegar.

¹⁶Visdom skal fria deg ¬frå annan manns kone, frå framand kvinne ¬som lokkar så fint,

¹⁷ho som har svike ¬sin ungdoms ven og gløymt den lovnad ¬ho gav sin Gud. [2]

¹⁸Huset hennar ¬sig ned til dødsriket, vegen hennar ¬fører ned til dei døde.

¹⁹Dei som går inn til henne, ¬kjem aldri att, dei når ikkje fram ¬til livsens stigar.

²⁰Men visdom ¬skal hjelpa deg til å fylgja den vegen ¬der dei gode går, og halda deg på stigar der dei rettferdige ferdast.

²¹For dei rettvise ¬skal bu i landet, dei ærlege skal få vera der.

²²Men dei gudlause ¬skal rydjast ut og svikarane rivast bort ¬frå landet.