Read nynorsk 1978 Ordtaka 21 Bible Online

Ordtaka 21 - nynorsk 1978 bible

Ordtaka 21

¹Som rennande bekker er kongens hjarta ¬i Herrens hand; han leier det dit han vil.

²Ein mann kan synast ¬at all hans ferd er rett, men Herren prøver ¬menneskehjarto.

³At folk gjer rett og skil, er meir verdt for Herren ¬enn offer.

⁴Stolte augo ¬og hovmodig hjarta, ljoset åt dei gudlause, er synd.

⁵Det den annsame tek seg føre, ¬gjev vinning, men hastverk fører berre til tap.

⁶Den rikdom ein vinn ¬med lygn, er ein kvervande pust, og han fører til døden.

⁷Dei vonde vert bortrivne ¬av si eiga valdsferd, for dei vil ikkje gjera ¬det som er rett.

⁸Skuldtyngd mann ¬går krokete vegar, men den reine fer ærleg fram.

⁹Betre å bu i ein krok på taket enn å vera i hus ¬med trettekjær kvinne.

¹⁰Den gudlause har hug ¬til det vonde, hans neste finn ingen velvilje ¬hjå han.

¹¹Når ein spottar må bøta, ¬vert den urøynde klok, og lærer du ein vis, ¬tek han kunnskapen til seg.

¹²Den rettferdige aktar ¬på gudløysings hus, han støyter dei vonde ¬ut i ulukke. [18]

¹³Den som stengjer sitt øyra ¬når armingen skrik, skal sjølv måtta ropa ¬og ikkje få svar.

¹⁴Ei gåve i løyndom ¬mildnar vreide, det ein får i fanget, ¬stiller stor harme.

¹⁵For den rettferdige ¬er det ei glede å gjera det rette, men for ugjerningsmannen ¬er det ei gru.

¹⁶Den som villar seg bort ¬frå klokskaps veg, han hamnar ¬mellom daudingar.

¹⁷Den som likar moro, ¬må sakna mangt, den som elskar vin og olje, ¬vert aldri rik.

¹⁸Den gudlause vert gjeven til løysepengar ¬for den rettferdige, og svikaren kjem ¬i staden for den ærlege.

¹⁹Betre å bu i eit øyde land enn hjå arg ¬og trettekjær kvinne.

²⁰Der dei vise bur, ¬er det dyre skattar og olje, men dåren øyder det opp.

²¹Den som jagar etter rett ¬og truskap, finn liv og rettferd og ære.

²²Ein klok mann kan storma ¬ein by full av kjemper og bryta det vernet ¬dei sette si lit til.

²³Den som aktar sin munn ¬og si tunge, bergar sitt liv ¬frå naud og trengsle.

²⁴Den stolte og kaute ¬kallar dei spottar; han er skamlaus og frekk ¬i si framferd.

²⁵Det den late ynskjer, ¬fører til døden, for han vil ikkje arbeida ¬med sine hender.

²⁶Heile dagen går han ¬med lyst og trå, den rettvise gjev ¬og er ikkje knuslet.

²⁷Ein styggedom er det ¬når dei gudlause ofrar, serleg når dei gjer det ¬med vondt i tankar.

²⁸Det falske vitnet fell igjennom, men det truverdige vitnet ¬vert alltid høyrt.

²⁹Den gudlause går der ¬med frekk mine, den ærlege er fast og stø ¬i si ferd.

³⁰Det finst ikkje visdom og skjøn og ingen plan ¬som hjelper mot Herren.

³¹Hesten vert budd ¬til stridens dag, men det er Herren ¬som gjev siger.