Read nynorsk 1978 Ordtaka 22 Bible Online

Ordtaka 22 - nynorsk 1978 bible

Ordtaka 22

¹Godt namn er meir verdt ¬enn stor rikdom; å vera avhalden ¬er betre enn sølv og gull.

²Rike og fattige møtest, Herren har skapt dei alle.

³Den kloke ser ulukka koma ¬og gøymer seg, dei godtrune går på og ¬må bøta.

⁴Den løn som gudsfrykt ¬og audmykt gjev, er rikdom og ære og liv.

⁵På vegen der dei svikefulle går, ¬er klunger og snarer, den som vil berga livet, ¬held seg borte frå dei.

⁶Lær guten den vegen ¬han skal gå, så vik han ikkje av ¬når han vert gamal.

⁷Rikmenn rår over fattige, den som låner, må træla ¬for den som gjev lån.

⁸Den som sår urett, ¬haustar vondskap, riset han brukar i sinne, ¬tek slutt.

⁹Velsigning får den ¬som er god mot andre, for han deler sitt brød ¬med dei fattige.

¹⁰Jag spottaren ut, ¬så går tretta med, og den skamlause striden ¬får ein ende.

¹¹Herren elskar ¬dei som har eit reint hjarta, den som talar med velvilje, ¬får kongen til ven.

¹²Herrens augo vaktar ¬den som har kunnskap, men svikarens ord ¬gjer han maktlause.

¹³Den late seier: ¬«Det er ei løve der ute, ho kunne drepa meg ¬midt på gata!»

¹⁴Munnen til framand kvinne ¬er ei djup grav, den Herren er harm på, ¬fell nedi.

¹⁵Vitløyse høyrer ungguten til, men tukteriset ¬driv henne bort.

¹⁶Den som er hard ¬med armingen, ¬aukar hans eige, gåver til den rike ¬gjev berre tap.

¹⁷Vend øyra til ¬og høyr vismenns ord, rett din hug ¬mot den kunnskap eg gjev.

¹⁸Det er godt ¬om du gøymer dei i hjarta og alltid har dei på lippene.

¹⁹For at du skal setja ¬di lit til Herren, forkynner eg dei for deg i dag.

²⁰Ja, tretti ord ¬har eg skrive opp for deg med gode og kloke råd.

²¹Eg vil læra deg ¬sanne og rette ord, så dei som har sendt deg, ¬får pålitelege svar.

²²Ran ikkje ein fattigmann ¬fordi han er fattig, og trø ikkje ned ¬ein stakkar i retten!

²³For Herren vil føra deira sak og ta livet av deira ransmenn.

²⁴Ver ikkje ven ¬med ein sinnatagg, og slå ikkje lag ¬med bråsint mann,

²⁵så du ikkje skal venja deg ¬til hans vegar og setja ei felle for ditt liv.

²⁶Ver ikkje mellom dei ¬som gjev handslag og borgar for folk ¬som har gjeld.

²⁷Når du ikkje har noko ¬å betala med, kvifor skal dei då ¬ta senga du ligg på?

²⁸Flytt ikkje gamle merkesteinar som fedrane dine har reist.

²⁹Ser du ein mann ¬som er dugande i sitt arbeid? Han kan ta teneste hjå kongar og skal ikkje tena ¬hjå småkårsfolk.