Read nynorsk 1978 Ordtaka 4 Bible Online

Ordtaka 4 - nynorsk 1978 bible

Ordtaka 4

¹Lyd etter, born, når far dykkar formanar, høyr på han, så lærer de skjøn!

²God er den lærdom ¬eg gjev dykk. Vik ikkje av frå mi rettleiing!

³Då eg var barn ¬og budde hjå far, var einaste småguten ¬heime hjå mor,

⁴då lærte han meg og sa: «Lat hugen din halda fast ¬på mine ord, hald mine bod, ¬så skal du leva!»

⁵Få deg visdom og kjøp deg vit, gløym ikkje det eg har sagt, og vik ikkje av frå det!

⁶Gå ikkje bort frå visdomen, ¬så vaktar han deg, hald av han, så vernar han deg.

⁷Vil du få visdom, så kjøp han, bruk alt det du eig ¬til å vinna vit!

⁸Set visdomen høgt, ¬så lyfter han deg; tek du han til deg, ¬gjev han deg ære.

⁹Han set ein fager krans ¬på ditt hovud og gjev deg ei strålande krone.

¹⁰Høyr etter, son, ¬ta imot mine ord, så vert dine leveår mange.

¹¹Eg lærer deg visdoms veg og fører deg på dei rette stigar.

¹²Når du går, ¬skal ingenting hindra foten, og når du spring, ¬skal du aldri snåva.

¹³Hald alltid fast ¬på det du har lært, ta vare på det, for det er ditt liv.

¹⁴Slå ikkje inn ¬på gudløysings stig, fylg ikkje vegen dei vonde går.

¹⁵Sky han og hald deg unna, vend deg frå han og ¬gå utanom!

¹⁶Dei gudlause får ikkje sova utan at dei har gjort ¬eitkvart vondt; dei misser svevnen om dei ikkje har fått ¬einkvan til å falla.

¹⁷For vondskap er maten dei et, og valdsferd er vinen ¬dei drikk.

¹⁸Men stigen åt dei rettferdige ¬er lik morgonglima, som vert bjartare og bjartare ¬til det er ljos dag.

¹⁹Men den vegen dei vonde går, ¬er som kolmørkret; dei veit ikkje kva dei snåvar i.

²⁰Lyd på det eg seier, son min, vend øyra til og høyr mine ord!

²¹Slepp dei aldri ut or syne, gøym dei djupt i hjarta!

²²For dei er liv ¬for den som finn dei, og helsebot for heile kroppen.

²³Ta vare på hjarta ¬framfor alt du tek vare på, for livet går ut frå det.

²⁴Hald deg frå falske ord, bruk aldri lippene til svik!

²⁵Lat augo dine sjå beint fram, fest blikket på det ¬som ligg framføre deg!

²⁶Legg merke til ¬dei far du skal fylgja, hald heile vegen stø kurs!

²⁷Vik ikkje av ¬til høgre eller venstre, hald foten din ¬frå det som er vondt!