Read nynorsk 1978 Ordtaka 7 Bible Online

Ordtaka 7 - nynorsk 1978 bible

Ordtaka 7

¹Son min, ta vare ¬på mine ord, gøym mine bod i din hug!

²Ta vare på mine bod, ¬så skal du leva, og på mi lære ¬som din augnestein!

³Bind dei fast ¬til fingrane dine, og skriv dei på di hjartetavle!

⁴Sei til visdomen: ¬«Du er mi syster,» og kall vitet din frende!

⁵Så vaktar dei deg ¬mot annan manns kone, mot framand kvinne ¬som lokkar så fint.

⁶Ein gong såg eg ut ¬gjennom glaset, kikka ut gjennom gluggen.

⁷Då såg eg mellom dei unge ¬ein tankelaus gut, eg merka meg han ¬blant dei urøynde menn.

⁸Han gjekk framom på gata ¬ved hennar hjørne, gjekk og dreiv på vegen ¬ved hennar hus.

⁹Det var i skumringa, ¬då det kvelda, på den tid nattemørkret ¬fell på.

¹⁰Då kjem kvinna imot han i skjøkjebunad ¬og med listige planar.

¹¹Ho er så rastlaus og ustyrleg, ho kan ikkje halda seg ¬roleg heime.

¹²Snart er ho på gata ¬og snart på torget, ho står på lur ¬ved kvart gatehjørne.

¹³Så tek ho tak i han, ¬kysser han og seier til han ¬med frekk mine:

¹⁴«Eg skulle bera fram ¬eit måltidsoffer, og no har eg gjort det eg lova.

¹⁵Så gjekk eg ut ¬til møtes med deg, eg leita etter deg ¬og fann deg.

¹⁶Eg har lagt teppe på mi seng, fargerikt lin frå Egypt,

¹⁷og over mi lege har eg strøytt myrra, aloë og kanel.

¹⁸Kom, lat oss nyta ¬kjærleiksrusen, hyggja oss i elskhug ¬til morgonen gryr.

¹⁹For mannen min er ikkje heime, han er ute på langferd.

²⁰Pengepungen tok han ¬med seg, fyrst ved fullmånetid ¬kjem han heim.»

²¹Ho vann han ¬med lokkande ord, med falske lipper ¬forførte ho han.

²²Han fylgjer etter henne ¬med det same, lik ein okse dei fører ¬til slakting, eller ein hjort som går i fella,

²³til pila borar seg inn i levra; han liknar fuglen ¬som flyg i snara og ikkje skjønar ¬at det gjeld livet.

²⁴Så høyr no på meg, mine born, lyd på orda frå min munn!

²⁵Lat deg ikkje lokka til å velja dei vegar framand kvinne går, villa deg ikkje inn ¬på hennar stigar!

²⁶For mange har ho gjeve ¬banesår, talrike er dei ho har felt.

²⁷Frå hennar hus ¬går vegar til dødsriket, dei fører til dødens mørke rom.