Read nynorsk 1978 Ordtaka 9 Bible Online

Ordtaka 9 - nynorsk 1978 bible

Ordtaka 9

¹Visdomsmøya ¬har bygt seg hus og hogge til sine sju søyler.

²Ho har slakta fe, blanda vin og duka bordet.

³Ho har sendt ut sine jenter og ropar oppe ¬frå byens høgder:

⁴«Hit kan den urøynde ¬venda seg.» Og til den tankelause seier ho:

⁵«Kom og et av min mat og drikk av den vin ¬eg har blanda.

⁶Lat tankeløysa fara, ¬så skal de leva, gå fram på den vegen ¬vitet viser!»

⁷Den som åtvarar ein spottar, ¬får skam, den som refser ein gudlaus, ¬lid skade.

⁸Refs ikkje spottaren, ¬for då vil han hata deg, refs heller den vise, ¬så elskar han deg.

⁹Lær den vise, ¬så vert han visare, lær den rettferdige, ¬så aukar han sin kunnskap.

¹⁰Age for Herren ¬er opphav til visdom, å kjenna Den Heilage er vit.

¹¹Mange dagar vil eg gje deg, og leveår får du i rikt mål.

¹²Er du vis, så gagnar det deg; spottar du, ¬må du lida for det sjølv.

¹³Dårskapen er ¬ei vinglande kvinne, lauslyndt og vitlaus er ho.

¹⁴Ho sit utfor husdøra si, på ein stol høgt oppe i byen.

¹⁵Ho ropar til dei ¬som ferdast på vegen, som går sine stigar beint fram:

¹⁶«Hit kan den urøynde ¬venda seg.» Og til den tankelause seier ho:

¹⁷«Stole vatn smakar godt, og herleg er maten ¬ein et i løynd.»

¹⁸Men han skjønar ikkje ¬at der held daudingar til, at dei som gjestar henne, ¬går til helheims djup.