Read nynorsk 1978 Forkynnaren 11 Bible Online

Forkynnaren 11 - nynorsk 1978 bible

Forkynnaren 11

¹Kast brødet ditt ¬på vatnet; for med tida ¬finn du det att. [7]

²Del det du har ¬med sju eller åtte; for du veit ikkje kva ¬for ulukker som kan henda på jorda.

³Når skyene vert fulle av regn, auser dei det ut over jorda. Fell eit tre, ¬mot sør eller nord, vert det liggjande der det fall.

⁴Den som aktar på vinden, ¬får ikkje så, den som kikkar på skyene, ¬får ikkje hausta.

⁵Likså lite som du veit kva veg vinden blæs, eller korleis beina vert til hjå fosteret i mors liv, likså lite kan du vita korleis Gud som skaper alt, ¬gjer sitt verk.

⁶Så ditt sæde om morgonen, og lat ikkje handa kvila ¬om kvelden. Du veit då ikkje ¬kva som vil lukkast, anten det eine eller det andre, eller om alt er like godt.

⁷Ljoset er ein hugnad ¬for auga, det gjer godt å sjå sola.

⁸Om åra vert mange, ¬skal mennesket leva og gleda seg over dei alle. Det skal tenkja ¬på dei mørke dagar, for av dei vert det mange. Alt som skal koma, er fåfengd.

⁹Gled deg, ungdom, ¬medan du er ung, ver glad og nøgd i livsens vår! Gå på dei vegar som hjarta vil, fylg det som lokkar ditt auga! Men vit at Gud ¬skal krevja deg til rekneskap for alt det du har gjort.

¹⁰Få sutene ut or din hug, og hald det vonde frå livet! For ungdomstida, livsens vår, kverv som ein pust.