Read nynorsk 1978 Høgsongen 1 Bible Online

Høgsongen 1 - nynorsk 1978 bible

Høgsongen 1

¹Salomos høgsong.

²Gjev han ville kyssa meg med kyss av sin munn! Din kjærleik er betre enn vin.

³Ljuvleg er dåmen ¬av dine salvar; ein angande salve ¬er ditt namn, difor held møyane av deg.

⁴Ta meg med! ¬Kom, lat oss springa! Kongen har ført meg ¬inn i sin kove. Vi vil fegnast ¬og gleda oss over deg og prisa din kjærleik ¬meir enn vin. Hugheilt elskar dei deg. [1]

⁵Svart er eg, men ven, de Jerusalems møyar, som Kedars tjeldbuer, som Salomos tjelddukar. [2]

⁶Sjå ikkje på at eg er så svart, at sola har brent meg. Sønene åt mor mi ¬harmast på meg, dei sette meg ¬til å vakta vingardane. Min eigen vingard ¬har eg ikkje vakta. [3]

⁷«Sei meg, ¬du som eg har så kjær, kvar gjæter du di hjord? Kvar lèt du henne kvila ¬ved middagstid? Kvi skal eg gå ¬som ei kvinne med slør der venene dine ¬gjæter si hjord?»

⁸«Veit du det ikkje, du fagraste av kvinner, så fylg berre faret etter flokken, og lat dine kje få beita innmed hyrdingbuene!»

⁹«Med folane for faraos vogner vil eg likna deg, min hugnad.

¹⁰Vene er dine kinn, ¬prydde med band, og din hals med perler.

¹¹Lekkjer av gull skal vi laga deg og med sølvperler på.»

¹²Ljuvleg angar ¬min nardussalve så lenge kongen er med i laget. [4]

¹³Min ven er lik myrrabunten som kviler ved min barm. [5]

¹⁴Min ven ¬er som ein blømande kvist på hennabusken ¬i En-Gedis hagar. [6]

¹⁵«Kor fager du er, min ven, ja, fager med augo som duer!»

¹⁶«Kor fager du er, min ven, kor yndefull du er! Og vårt lægje ¬er grornæmt og grønt.

¹⁷Sedrar er bjelkar i vårt hus, sypressar er tak og himling.»