Read nynorsk 1978 Høgsongen 2 Bible Online

Høgsongen 2 - nynorsk 1978 bible

Høgsongen 2

¹Ei rose frå Saron er eg, ei lilje i dalane.

²«Som ei lilje mellom klunger, så er min hugnad ¬mellom møyar.»

³Som ein apal ¬mellom trea i skogen, så er min ven ¬mellom unge menn. I hans skugge ¬er det hugnad å sitja, hans frukt er søt i min munn.

⁴Inn i vinhuset ¬har han ført meg; hans merke over meg ¬er kjærleik.

⁵Styrk meg med druekaker, kveik meg med eple! For eg er sjuk av kjærleik.

⁶Hans venstre hand ¬er under mitt hovud, med den høgre ¬femner han meg.

⁷Eg naudbed dykk, ¬Jerusalems døtrer, ved gasellane ¬og hindane i marka: Vekk ikkje kjærleiken! Eggja han ikkje ¬før sjølv han vil!

⁸Høyr, det er min ven. Sjå der, han kjem springande over heiane, hoppande over haugane.

⁹Min ven er som gasellen, han liknar den unge hjort. Sjå, der står han ¬bortmed husveggen; han glytter inn ¬gjennom gluggen og ser inn mellom sprinklane.

¹⁰Min ven tek til ords ¬og seier: Stå opp, min hugnad! Kom ut, mi fagre møy!

¹¹For sjå, vinteren er til endes, regnet har kvorve.

¹²Blomane sprett på vollane; songtida er komen, og turteldua kurrar i landet.

¹³Frukta på vintreet raudnar, og det angar av vintre i blom. Stå opp, min hugnad! Kom ut, mi fagre møy!

¹⁴Du mi due på berghylla, i livd under flogbratte fjell, lat meg få sjå din skapnad, lat meg få høyra ditt mæle! For di røyst er så mjuk og din skapnad så fager.

¹⁵Fanga revane for oss, dei små revane ¬som herjar i vingardane. For no står våre vingardar ¬i blom.

¹⁶Min ven er min, og eg er hans, han som gjæter mellom liljer.

¹⁷Når dagen svalnar ¬og skuggane flyr, kom att, min ven! Fly som gasellen ¬og den unge hjort over balsam-angande fjell!