Read nynorsk 1978 Høgsongen 3 Bible Online

Høgsongen 3 - nynorsk 1978 bible

Høgsongen 3

¹Om natta leita eg på lægjet etter han ¬som leikar i min hug. Eg leita, men fann han ikkje.

²«Eg vil opp ¬og gå ikring i byen og leita på gater og torg etter han som leikar ¬i min hug.» Eg leita, men fann han ikkje.

³Eg møtte vaktmennene ¬som sveiv ikring i byen: «Har de sett han ¬som leikar i min hug?»

⁴Eg hadde ikkje før gått frå dei, så fann eg han ¬som leikar i min hug. Eg tok tak i han ¬og sleppte han ikkje før eg fekk han inn ¬i huset åt mor mi, i koven åt ho som fødde meg.

⁵Eg naudbed dykk, ¬Jerusalems døtrer, ved gasellane ¬og hindane i marka: Vekk ikkje kjærleiken! Eggja han ikkje ¬før sjølv han vil!

⁶Kva er det som stig opp ¬frå øydemarka som ei røyksøyle, omfløymd av angande myrra ¬og røykjelse og kræmarkrydder ¬av alle slag?

⁷Sjå, det er Salomos berestol med seksti kjemper ikring av Israels djervaste menn. [7]

⁸Alle er væpna med sverd og vel røynde i strid. Kvar mann ber sverd ved lend til vern mot skræmsler i natta.

⁹Kong Salomo laga ein berestol av tre frå Libanon.

¹⁰Stengene gjorde han av sølv og ryggstøet av gull. Sessen er kledd med purpur og innsidene prydde med ler.

¹¹Kom ut, Jerusalems døtrer! Skoda kong Salomo, ¬Sions døtrer! Sjå krona som mor hans prydde han med ¬på bryllaupsdagen, hans hjartans glededag.